3 снежня, Мінск /Кар. БЕЛТА/. Часовая забарона на вываз неапрацаваных шкур буйной рагатай жывёлы з Беларусі за межы мытнай тэрыторыі Еўразійскага эканамічнага саюза (ЕАЭС) дзейнічае з 2 снежня. Адпаведнае рашэнне змешчана ў пастанове Савета Міністраў ад 2 снежня 2019 года нумар 825, паведамляе БЕЛТА са спасылкай на Нацыянальны прававы інтэрнэт-партал.
Часовая забарона распаўсюджваецца на вываз з Беларусі за межы мытнай тэрыторыі ЕАЭС неапрацаваных шкур буйной рагатай жывёлы (код 4101 адзінай Таварнай наменклатуры знешнеэканамічнай дзейнасці ЕАЭС) пры іх змяшчэнні пад мытныя працэдуры экспарту, часовага вывазу, перапрацоўкі па-за мытнай тэрыторыяй і рээкспартам.
На Міністэрства замежных спраў Беларусі ўскладзены абавязак праінфармаваць Еўразійскую эканамічную камісію аб прынятых мерах і ўнесці на разгляд прапанову аб прымяненні іншымі дзяржавамі - членамі ЕАЭС аналагічных мер.
Абмежаванні дзейнічаюць па 31 снежня бягучага года.-0-