Сцяг Панядзелак, 4 сакавіка 2024
Усе навіны
Усе навіны
Эканоміка
24 сакавіка 2023, 09:34

Саўмін Беларусі ўвёў часовую забарону на вываз асобных відаў прамтавараў

24 сакавіка, Мінск /Кар. БЕЛТА/. Беларусь увяла часовую забарону на вываз асобных відаў прамысловых тавараў. Гэта прадугледжана пастановай Савета Міністраў ад 21 сакавіка 2023 года нумар 192, якая афіцыйна апублікавана на Нацыянальным прававым інтэрнэт-партале, паведамляе БЕЛТА.

Забарона закранае гіпс, ангідрыт, цэменты зубныя і іншыя матэрыялы для пламбіравання, цэменты, што рэканструюць косць, дэзынфіцыруючыя сродкі, фарбы і лакі на аснове сінтэтычных палімераў, пасты для лепкі, дыягнастычныя або лабараторныя рэагенты на падложцы, фільтрэлементы (уключаючы мембраны для гемадыялізу) для медыцынскай прамысловасці, ампулы са шкла, шкляны посуд для лабараторных, гігіенічных або фармацэўтычных мэт. Уключаны ў пералік ёмістасці для сціснутага або звадкаванага газу, розныя катлы, рухавікі, помпы, прамысловыя або лабараторныя горны і печы. У спісе і халадзільнікі, маразільнікі, цэнтрыфугі, пасудамыечныя машыны, пыласосы, электрабрытвы, машынкі для стрыжкі валос, тэлефонныя апараты, мікрафоны. Таксама дзеянне дакумента датычыцца ўстройстваў для пад'ёму, перамяшчэння, пагрузкі або разгрузкі (напрыклад, ліфты, эскалатары, канвееры), бульдозераў, трактароў, машын рознага прызначэння, ткацкіх, такарных і іншых станкоў, чыгуначных лакаматываў, вагонаў, аўтамабіляў, матацыклаў, прычэпаў і іншых найменняў.

Дзеянне забароны не распаўсюджваецца на тавары з сертыфікатам, які пацвярджае беларускае або расійскае паходжанне, з сертыфікатам прадукцыі ўласнай вытворчасці або актам экспертызы аб адпаведнасці прампрадукцыі патрабаванням, што выстаўляюцца ў мэтах яе аднясення да вытворчай на тэрыторыі Беларусі, выдаваемымі Беларускай гандлёва-прамысловай палатай. Забарона таксама не распаўсюджваецца на тавары з выпіскай з еўразійскага рэестра і на шэраг іншых выпадкаў, якія абазначаны ў дакуменце.

Пастанова ўступіла ў сілу з 23 сакавіка і дзейнічае на працягу шасці месяцаў.-0-

Падпісвайцеся на нас у
Twitter
Топ-навіны
Свежыя навіны Беларусі