Мабільная версія
ДЗЯРЖОРГАНЫ

Апошнія навіны
Усе навіны

Беларусь удзяляе першарадную ўвагу лічбавай трансфармацыі эканомікі і дзяржкіравання - Папкоў

Эканоміка 15.05.2018 | 14:06
Фота з архіва
Фота з архіва

15 мая, Мінск /Кар. БЕЛТА/. Праблеме лічбавай трансфармацыі эканомікі і дзяржаўнага кіравання ў Беларусі ўдзяляецца першарадная ўвага, заявіў сёння міністр сувязі і інфарматызацыі Сяргей Папкоў у час Еўразійскага лічбавага форуму, перадае карэспандэнт БЕЛТА.

"У Беларусі першарадная ўвага ўдзяляецца праблеме лічбавай трансфармацыі эканомікі, дзяржаўнага кіравання і сацыяльнай сферы. Гэта тэма з'яўляецца прыярытэтнай у парадку дня для ўсіх развітых краін і міжнародных арганізацый, а таксама ўключана ў нацыянальныя прыярытэты сацыяльна-эканамічнага развіцця Беларусі. Прэзідэнт абазначыў курс далейшага развіцця краіны - гэта пабудова ІТ-краіны. Прыняты дэкрэт нумар 8, які даў беспрэцэдэнтныя правы для рэзідэнтаў ПВТ, дзе будуць апрабаваны найноўшыя тэхналогіі блокчэйна, прымяненне крыптавалют, смарт-кантрактаў", - падкрэсліў міністр.

Сяргей Папкоў адзначыў, што дзякуючы пастаяннай увазе з боку ўрада і органаў дзяржкіравання да праблем лічбавай трансфармацыі Беларусь займае лідзіруючыя пазіцыі па фарміраванні нацыянальнага лічбавага рынку і пачала актыўную міжнародную дзейнасць, накіраваную на гарманізацыю лічбавых рынкаў краін - эканамічных партнёраў. "У 2012 годзе краіна выступіла з прапановай аб фарміраванні адзінай гандлёва-інфармацыйнай прасторы ЕАЭС, у 2013 годзе праявіла ініцыятыву па гарманізацыі лічбавых рынкаў краін "Усходняга партнёрства" і ЕС. У рамках гэтай ініцыятывы Беларусь з'яўляецца каардынатарам работ па такіх напрамках, як лічбавізацыя гандлю, камерцыі, лагістыкі, мытні і транспартных калідораў", - растлумачыў ён.

Міністр звярнуў увагу, што паспяховая рэалізацыя ініцыятывы па гарманізацыі лічбавых рынкаў краін "Усходняга партнёрства" і ЕС, актыўнае супрацоўніцтва з Рэспублікай Карэяй па развіцці нацыянальнай сістэмы беспапяровага гандлю, а таксама з Кітаем па рэалізацыі ініцыятывы "Адзін пояс і адзін шлях" стварае аснову для пашырэння міжнароднага супрацоўніцтва ў гэтай сферы на ўвесь еўраазіяцкі рэгіён.

"Мы спадзяёмся, што Еўразійскі форум стане штогадовай эфектыўнай дыялогавай пляцоўкай, на якіх дзелавыя і экспертныя колы, органы дзяржкіравання краін еўразійскага кантынента змогуць абмеркаваць актуальныя пытанні фарміравання і гарманізацыі глабальнага лічбавага рынку", - канстатаваў Сяргей Папкоў.

Еўразійскі лічбавы форум (EADF) праходзіць 15 мая ў час міжнароднага форуму па інфармацыйна-камунікацыйных тэхналогіях "ТІБО-2018". Мэта EADF - абмеркаванне актуальных пытанняў лічбавай трансфармацыі і гарманізацыі лічбавых рынкаў на нацыянальным і міжкраінавым узроўнях.

У пленарнай сесіі форуму "Перспектывы стварэння адзінага Еўразійскага лічбавага рынку: драйверы і бар'еры" выступаюць кіраўнікі міністэрстваў і адміністрацый краін СНД, Еўразійскай эканамічнай камісіі, адказныя за лічбавую трансфармацыю эканомікі і сістэмы дзяржкіравання, вядучыя міжнародныя эксперты ў галіне ІКТ, прадстаўнікі вядомых тэхналагічных кампаній.

На тэматычных сесіях абмяркоўваюцца пытанні пераадолення бар'ераў лічбавай трансфармацыі, спрашчэння міжкраінавага ўзаемадзеяння ў сферы гандлю і інтэграцыі ў транскантынентальныя ланцужкі паставак.

"ТІБО-2018" праходзіць у Мінску з 14 па 18 мая.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Графік работы ўстаноў аховы здароўя ў снежаньскія выхадныя і святы У Беларусі зменены графік работы ўстаноў аховы здароўя ў выхадныя і святочныя дні ў снежні 2018 года.