ДЗЯРЖОРГАНЫДЗЯРЖОРГАНЫ
Флаг Панядзелак, 10 мая 2021
Мінск Ясна +12°C
Усе навіны
Усе навіны
Эканоміка
04 кастрычніка 2017, 10:28

Беларусь разлічвае на падтрымку Латвіі ў прыцягненні капіталу з краін Скандынавіі

Гундарс Даўдзэ і Міхаіл Мясніковіч
Гундарс Даўдзэ і Міхаіл Мясніковіч

4 кастрычніка, Мінск /Кар. БЕЛТА/. Беларусь разлічвае на падтрымку Латвіі ў прыцягненні капіталу з краін Скандынавіі. Аб гэтым 3 кастрычніка заявіў старшыня Савета Рэспублікі Міхаіл Мясніковіч на сустрэчы з дэлегацыяй Сейма Латвіі на чале з яго віцэ-спікерам Гундарсам Даўдзэ, перадае карэспандэнт БЕЛТА.

Беларускі бок у сваю чаргу можа - і ў краіне для гэтага ёсць заканадаўчая аснова - стварыць добрыя ўмовы для інвестараў, якія прыходзяць рэалізоўваць прыярытэтныя праекты. Міхаіл Мясніковіч растлумачыў, што размова ідзе аб фармацэўтычнай прамысловасці, бія- і іншых прагрэсіўных тэхналогіях.

Гундарс Даўдзэ, развіваючы тэму прыцягнення скандынаўскага капіталу, адзначыў, што перспектыўным бачыцца і супрацоўніцтва ў транзітна-лагістычнай сферы, паколькі праз Рыгу ідуць транспартныя патокі паміж Скандынавіяй і Усходняй Еўропай.

Бакі абмеркавалі таксама новыя магчымасці, якія адкрываюцца для ўзаемадзеяння дзвюх краін у сувязі з удзелам Беларусі ў рэалізацыі кітайскай ініцыятывы "Адзін пояс і адзін шлях". Асобна разглядаліся перспектывы інвестыцыйнага супрацоўніцтва, бізнесу. На гэты момант у Латвіі амаль 2,5 тыс. кампаній з беларускім капіталам. Латвійскія прадпрымальнікі ў сваю чаргу стварылі ў Беларусі больш за 1 тыс. прадпрыемстваў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі