2 ліпеня, Мінск /Кар. БЕЛТА/. Беларусь прапрацуе з Расіяй выдзяленне дадатковых сродкаў на імпартазамяшчальныя праекты. Аб гэтым паведаміў журналістам Надзвычайны і Паўнамоцны Пасол Беларусі ў Расіі Аляксандр Рагожнік, перадае карэспандэнт БЕЛТА.
Аляксандр Рагожнік нагадаў, што раней расійскі бок выдзеліў Беларусі крэдытную лінію ў памеры 105 млрд расійскіх рублёў на рэалізацыю сумесных імпартазамяшчальных праектаў.
"Пул праектаў ужо сфарміраваны. Сёння гэтыя ўсе рэсурсы фактычна асвоены, і мы пяройдзем да наступнага этапу - прапрацоўкі з расійскім бокам дадатковага выдзялення пакета для рэалізацыі высокатэхналагічных праектаў, якія будуць накіраваны на забеспячэнне тэхналагічнай незалежнасці Саюзнай дзяржавы", - сказаў пасол.
Ён нагадаў, што бакі рэалізуюць сумесныя праекты ў сферах мікраэлектронікі (прычым спектр напрамкаў тут вельмі шырокі), авіябудаванні і станкабудаванні.
"Мы будзем распрацоўваць сумесныя праекты ў галіне рабатызацыі і аўтаматызацыі вытворчасці, каб павышаць тэхналагічны складнік прамысловай вытворчасці. Ідэя заўсёды ёсць, пытанне ў эканамічным складніку гэтых ідэй", - дадаў дыпламат.
"Мы будзем распрацоўваць сумесныя праекты ў галіне рабатызацыі і аўтаматызацыі вытворчасці, каб павышаць тэхналагічны складнік прамысловай вытворчасці. Ідэя заўсёды ёсць, пытанне ў эканамічным складніку гэтых ідэй", - дадаў дыпламат.
Што датычыцца паставак на расійскі рынак традыцыйнай прадукцыі беларускай прамысловасці, то Аляксандр Рагожнік адзначыў, што канкурэнцыя там з году ў год расце па ўсіх таварных групах. "Ад гэтага нікуды не адысці. Самае галоўнае тут - працаваць у тры-чатыры разы больш, як гаворыць Прэзідэнт. У народзе кажуць, вада камень точыць. Сёння прадаць можна ўсё, для гэтага трэба проста прыкладаць намаганні", - падкрэсліў ён.-0-
Падпісвайцеся на нас у
