27 сакавіка, Мінск /Кар. БЕЛТА/. Беларусь прадставіць экспазіцыю на выстаўцы "Інапрам. Цэнтральная Азія" ў Ташкенце, паведамілі БЕЛТА на выставачным прадпрыемстве "Белінтэрэкспа" БелГПП.
З 24 па 26 красавіка ў Ташкенце адбудзецца міжнародная прамысловая выстаўка "Інапрам. Цэнтральная Азія". "На гэты момант фарміруецца экспазіцыя беларускіх вытворцаў Made in Belarus, якая прадставіць лепшыя прамысловыя распрацоўкі і інавацыйнае абсталяванне флагманаў машынабудаўнічай галіны краіны", - расказалі ў "Белінтэрэкспа".
Мерапрыемства ахоплівае 6 тэматычных раздзелаў: машынабудаванне, металургія і матэрыялы, рашэнні для энергетыкі, тэхналогіі хімічнай прамысловасці, інфармацыйныя і тэлекамунікацыйныя тэхналогіі і развіццё інфраструктуры.
На выстаўцы будзе прадстаўлена шырокая беларуская экспазіцыя. Сваю зацікаўленасць ва ўдзеле ўжо выказалі 7 буйнейшых прадпрыемстваў: Беларускі металургічны завод, БЕЛАЗ, Мінскі трактарны завод, БАТЭ, Навукова-тэхналагічны парк БНТУ "Палітэхнік", "Гомсельмаш", "СтанкаГомель". Плануецца таксама, што афіцыйная дэлегацыя, у прыватнасці кіраўніцтва Мінпрамгандлю Расіі, і пачэсныя госці выстаўкі наведаюць беларускую экспазіцыю ў Ташкенце.
Арганізатар калектыўнай экспазіцыі Made in Belarus - "Белінтэрэкспа" БелГПП.
"Інапрам" - вялікі праект, які ажыццяўляецца ў розных краінах. У бягучым годзе ў рамках адной з выставак у Екацярынбургу Беларусь выступіць у статусе краіны-партнёра з маштабнай экспазіцыяй, кірмашом і вялікай дзелавой і культурнай праграмай.-0-
