Мабільная версія
ДЗЯРЖОРГАНЫ

Апошнія навіны
Усе навіны

Беларусь прадаўжае ўзаемадзеянне з МВФ, новая праграма магчыма пры збліжэнні падыходаў

Эканоміка 26.04.2019 | 13:26

26 красавіка, Мінск /Кар. БЕЛТА/. Беларусь прадаўжае бягучае ўзаемадзеянне з Міжнародным валютным фондам, новая праграма з фондам магчыма пры збліжэнні падыходаў двух бакоў. Аб гэтым паведаміў сёння журналістам намеснік старшыні праўлення Нацыянальнага банка Беларусі Дзмітрый Калечыц на палях канферэнцыі "Лічбавы банкінг", перадае карэспандэнт БЕЛТА.

"У нас прадаўжаецца ўзаемадзеянне з фондам, якое (у МВФ. - Заўвага БЕЛТА) з усімі краінамі, ідзе абмен інфармацыяй наконт развіцця эканамічнай сітуацыі. Місія фонду, якая працуе па Беларусі, актыўна ўзаемадзейнічае з нашымі спецыялістамі, адсочвае сітуацыю, гаворыць аб тым, якія яна бачыць рызыкі з пункту гледжання развіцця сітуацыі, якія меры могуць быць прыняты, - адзначыў Дзмітрый Калечыц. - Мы ў сваю чаргу расказваем, як ідуць справы ў эканоміцы, якія бачым рызыкі. Гэта значыць, ідзе нармальны абмен інфармацыяй наконт таго, як мы бачым развіццё эканомікі".

Паводле слоў Нацбанка, ніякіх дадатковых крокаў ва ўзаемадзеянні з МВФ не плануецца непасрэдна цяпер. "Будзем глядзець, як развіваецца сітуацыя. У нас вялікі блок пытанняў з пункту гледжання тэхнічнай дапамогі, будзем працаваць з імі ў частцы манетарнай палітыкі", - дадаў ён.

Што датычыцца магчымасці новай праграмы Беларусі з МВФ і прадастаўлення крэдыту, то Дзмітрый Калечыц растлумачыў, што размова аб гэтым можа ісці, але гэта працэдура не аднаго дня. "Гэта пытанне трэба абмяркоўваць, трэба знаходзіць кропкі збліжэння ў поглядах на развіццё эканомікі, разуменне рызык, а таксама мер, каб развівацца далей", - сказаў намеснік старшыні Нацбанка.

Раней міністр фінансаў Беларусі Максім Ермаловіч паведамляў, што перагаворы з МВФ па новай крэдытнай праграме могуць быць адноўлены ў 2020-2021 гадах. Асновай для новай праграмы можа стаць дарожная карта структурных рэформ, падрыхтаваная разам з Сусветным банкам.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.