Фота з архіва
27 лістапада, Мінск /Кар. БЕЛТА/. Беларусь плануе пастаўляць малочную прадукцыю ў М'янму праз біржу, паведамілі БЕЛТА ў прэс-службе Беларускай універсальнай таварнай біржы.
Сухое малако, вяршкі і сыроватка могуць стаць асноўнымі таварнымі пазіцыямі, якія экспартуюцца ў М'янму праз Беларускую ўніверсальную таварную біржу (БУТБ). Аб гэтым заявіў начальнік упраўлення знешнеэканамічнай дзейнасці БУТБ Яраслаў Кавальчук, выступаючы на беларуска-м'янманскім бізнес-форуме ў Янгоне. Паводле слоў эксперта, цяпер малакапрадукты на біржавых таргах купляюць кампаніі больш як з 40 краін свету, і аб'ёмы здзелак пастаянна растуць, што сведчыць аб высокай ліквіднасці гэтай прадукцыі і яе запатрабаванасці за мяжой.
"За няпоўныя 11 месяцаў бягучага года сума біржавых здзелак па рэалізацыі малочнай прадукцыі на экспарт дасягнула $802 млн. Гэта на 12 працэнтаў больш, чым у студзені-лістападзе мінулага года. Найбольшыя аб'ёмы продажаў прыпалі на такія краіны, як Расія, Польшча, Германія, Казахстан і Сінгапур. А ў цэлым у якасці пакупнікоў малакапрадуктаў на біржавых таргах выступалі кампаніі з 42 краін, у тым ліку з Паўднёва-Усходняй Азіі. Для беларускіх прадпрыемстваў малакаперапрацоўчай прамысловасці гэты рэгіён уяўляе сабой асаблівую цікавасць з-за значнай ёмістасці гэтага рынку і наяўнасці высокага плацежаздольнага попыту. Таму біржа гатова аказаць максімальнае садзейнічанне м'янманскім кампаніям, якія разглядаюць магчымасць імпарту сухога малака, вяршкоў і сыроваткі з Беларусі. На біржавой пляцоўцы прысутнічаюць усе вытворцы гэтай прадукцыі, што дасць магчымасць забяспечыць рытмічнасць паставак без якіх-небудзь абмежаванняў па аб'ёме", - адзначыў кіраўнік знешнегандлёвага падраздзялення біржы.
На сённяшні дзень на БУТБ акрэдытаваны суб'екты гаспадарання з пяці дзяржаў Паўднёва-Усходняй Азіі: В'етнама, Інданезіі, Малайзіі, М'янмы і Сінгапура. Асабліва актыўна біржавую платформу выкарыстоўваюць сінгапурскія кампаніі. У студзені-лістападзе 2025 года сума заключаных імі здзелак па куплі беларускіх тавараў склала $42,4 млн, на 58 працэнтаў перасягнуўшы паказчык аналагічнага перыяду 2024 года. Доля малочнай прадукцыі ў структуры імпарту з Беларусі - 54 працэнты.-0-
Сухое малако, вяршкі і сыроватка могуць стаць асноўнымі таварнымі пазіцыямі, якія экспартуюцца ў М'янму праз Беларускую ўніверсальную таварную біржу (БУТБ). Аб гэтым заявіў начальнік упраўлення знешнеэканамічнай дзейнасці БУТБ Яраслаў Кавальчук, выступаючы на беларуска-м'янманскім бізнес-форуме ў Янгоне. Паводле слоў эксперта, цяпер малакапрадукты на біржавых таргах купляюць кампаніі больш як з 40 краін свету, і аб'ёмы здзелак пастаянна растуць, што сведчыць аб высокай ліквіднасці гэтай прадукцыі і яе запатрабаванасці за мяжой.
"За няпоўныя 11 месяцаў бягучага года сума біржавых здзелак па рэалізацыі малочнай прадукцыі на экспарт дасягнула $802 млн. Гэта на 12 працэнтаў больш, чым у студзені-лістападзе мінулага года. Найбольшыя аб'ёмы продажаў прыпалі на такія краіны, як Расія, Польшча, Германія, Казахстан і Сінгапур. А ў цэлым у якасці пакупнікоў малакапрадуктаў на біржавых таргах выступалі кампаніі з 42 краін, у тым ліку з Паўднёва-Усходняй Азіі. Для беларускіх прадпрыемстваў малакаперапрацоўчай прамысловасці гэты рэгіён уяўляе сабой асаблівую цікавасць з-за значнай ёмістасці гэтага рынку і наяўнасці высокага плацежаздольнага попыту. Таму біржа гатова аказаць максімальнае садзейнічанне м'янманскім кампаніям, якія разглядаюць магчымасць імпарту сухога малака, вяршкоў і сыроваткі з Беларусі. На біржавой пляцоўцы прысутнічаюць усе вытворцы гэтай прадукцыі, што дасць магчымасць забяспечыць рытмічнасць паставак без якіх-небудзь абмежаванняў па аб'ёме", - адзначыў кіраўнік знешнегандлёвага падраздзялення біржы.
На сённяшні дзень на БУТБ акрэдытаваны суб'екты гаспадарання з пяці дзяржаў Паўднёва-Усходняй Азіі: В'етнама, Інданезіі, Малайзіі, М'янмы і Сінгапура. Асабліва актыўна біржавую платформу выкарыстоўваюць сінгапурскія кампаніі. У студзені-лістападзе 2025 года сума заключаных імі здзелак па куплі беларускіх тавараў склала $42,4 млн, на 58 працэнтаў перасягнуўшы паказчык аналагічнага перыяду 2024 года. Доля малочнай прадукцыі ў структуры імпарту з Беларусі - 54 працэнты.-0-
Падпісвайцеся на нас у
