Мабільная версія
ДЗЯРЖОРГАНЫ
Апошнія навіны
Усе навіны

Беларусь паставіць у Расію нафтахімічную прадукцыю амаль на 12 млрд расійскіх рублёў

Эканоміка 12.10.2018 | 12:33
У час падпісання. Фота ТАА "Белнафтахім-РОС"
У час падпісання. Фота ТАА "Белнафтахім-РОС"

12 кастрычніка, Мінск /Кар. БЕЛТА/. Сума кантрактаў на пастаўку беларускай нафтахімічнай прадукцыі для расійскіх спажыўцоў, падпісаных сёння на V Форуме рэгіёнаў Беларусі і Расіі ў Магілёве, склала амаль 12 млрд расійскіх рублёў, паведамілі карэспандэнту БЕЛТА ў прэс-службе канцэрна "Белнафтахім".

Акрамя таго, шэраг экспартных кантрактаў з кампаніямі РФ на суму 1,3 млрд расійскіх рублёў быў падпісаны напярэдадні форуму.

Буйнейшы дыстрыб'ютар прадукцыі беларускай нафтахіміі ў Расійскай Федэрацыі ТАА "Белнафтахім-РОС" падпісаў з расійскімі партнёрамі камерцыйныя дакументы на агульную суму больш за 6 млрд расійскіх рублёў, што на 80 млн расійскіх рублёў перавышае вынік папярэдняга Форуму супрацоўніцтва рэгіёнаў. Кантракты датычацца поліэфірных тэкстыльных ніцей, поліэтылену высокага ціску, поліаміду-6, фталевага ангідрыду, аўтамабільных шын рознага прызначэння - ад звышбуйнагабарытных да легкавых, алкідных смол і іншай прадукцыі.

У расійскія рэгіёны таксама будзе арганізавана пастаўка поліэфірнага валакна і тэхнічнай ніці магілёўскай вытворчасці: ААТ "Магілёўхімвалакно" падпісала кантракты на суму 5,6 млрд расійскіх рублёў.

Расійская Федэрацыя - буйнейшы замежны партнёр "Белнафтахіма". У 2017 годзе тавараабарот канцэрна з расійскімі арганізацыямі склаў $7,7 млрд і вырас адносна 2016-га на 38 працэнтаў. За 8 месяцаў бягучага года тавараабарот павялічыўся на 32 працэнты і склаў $6,4 млрд.-0-

Фота ТАА "Белнафтахім-РОС"

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.