Віктар Каранкевіч. Скрыншот відэа ўрада Беларусі
12 чэрвеня, Мінск /Кар. БЕЛТА/. Беларусь паставіць у Ліван фельчарска-акушэрскі пункт на базе шасі МАЗ. Аб гэтым заявіў намеснік прэм'ер-міністра Беларусі Віктар Каранкевіч у інтэрв'ю тэлеканалу "Першы інфармацыйны", паведамляе БЕЛТА.
"У гэтым годзе плануецца пастаўка фельчарска-акушэрскага пункта на колах на базе шасі МАЗ. Гэта тэхніка добра сябе зарэкамендавала. У адрозненне ад машын хуткай медыцынскай дапамогі гэта ўжо дыягнастычны цэнтр, дзе можна праводзіць паўнацэнныя лабараторныя даследаванні", - сказаў Віктар Каранкевіч.
Ад паставак прадуктаў харчавання, ветпрэпаратаў і сельгастэхнікі да пытанняў навучання кадраў і стварэння сумесных прадпрыемстваў - беларуская дэлегацыя на гэтым тыдні правяла серыю сустрэч у Ліване. У дар ліванскаму народу былі перададзены машыны хуткай дапамогі і прадукцыя беларускай вытворчасці. Такім было рашэнне Прэзідэнта Беларусі Аляксандра Лукашэнкі. Груз авіябортам дастаўлены ў аэрапорт Бейрута.
"Значэнне гэтага жэста для ўмацавання дружбы і супрацоўніцтва паміж нашымі краінамі складана пераацаніць. Дзякуй вялікі Беларусі, Прэзідэнту і вашаму народу за машыны і прадукты харчавання. Вельмі важна, што вы падтрымліваеце нашу медыцыну", - адзначыў міністр аховы здароўя Лівана Ракан Насрэдзін.
Дарожную карту супрацоўніцтва з Ліванам трэба будзе напоўніць канкрэтнымі праектамі ва ўсіх галінах. Размова ідзе аб пастаўках пажарных машын. У сельскай гаспадарцы патрэбны тэхніка і тэхналогіі. "Тут неабходна дапамога ў механізацыі сельскай гаспадаркі. Мы ім прапануем комплекс рашэнняў. Мы працуем ужо і ў Паўднёвай Афрыцы, таму тэхніка наша прыстасавана, мы забяспечым тут як сэрвіснае абслугоўванне, так і гарантыйнае", - падкрэсліў намеснік міністра прамысловасці Беларусі Андрэй Кузняцоў.
Беларусь гатова рэалізаваць той патэнцыял, які яна напрацавала за гады сваёй дыпламатычнай прысутнасці ў рэгіёне Блізкага Усходу па ўсіх ключавых напрамках. "Мы складаем ланцужок нашага ўзаемадзеяння з Ліванам. Інтэнсіўна падтрымліваем тэмп, не адыходзім з нашых пазіцый і дамоўленасцей. У іх ёсць жаданне развіваць з намі супрацоўніцтва, а ў нас ёсць тут свае інтарэсы. Мы рухаемся сюды і ніколі не адыходзілі. Але ў пэўныя моманты мы недзе акцэнтуем нашы намаганні і ўвагу на пэўных кропках. На цяперашні момант кропкай гэтай з'яўляецца Бейрут", - абазначыў першы намеснік міністра замежных спраў Беларусі Сяргей Лукашэвіч.
Ключавым у гэтым супрацоўніцтве з'яўляецца ўзаемная цікавасць. Для Беларусі - гэта перспектывы рынку Блізкага Усходу, а Лівану цікавы выхад на прастору ЕАЭС.-0-
"У гэтым годзе плануецца пастаўка фельчарска-акушэрскага пункта на колах на базе шасі МАЗ. Гэта тэхніка добра сябе зарэкамендавала. У адрозненне ад машын хуткай медыцынскай дапамогі гэта ўжо дыягнастычны цэнтр, дзе можна праводзіць паўнацэнныя лабараторныя даследаванні", - сказаў Віктар Каранкевіч.
Ад паставак прадуктаў харчавання, ветпрэпаратаў і сельгастэхнікі да пытанняў навучання кадраў і стварэння сумесных прадпрыемстваў - беларуская дэлегацыя на гэтым тыдні правяла серыю сустрэч у Ліване. У дар ліванскаму народу былі перададзены машыны хуткай дапамогі і прадукцыя беларускай вытворчасці. Такім было рашэнне Прэзідэнта Беларусі Аляксандра Лукашэнкі. Груз авіябортам дастаўлены ў аэрапорт Бейрута.
"Значэнне гэтага жэста для ўмацавання дружбы і супрацоўніцтва паміж нашымі краінамі складана пераацаніць. Дзякуй вялікі Беларусі, Прэзідэнту і вашаму народу за машыны і прадукты харчавання. Вельмі важна, што вы падтрымліваеце нашу медыцыну", - адзначыў міністр аховы здароўя Лівана Ракан Насрэдзін.
Дарожную карту супрацоўніцтва з Ліванам трэба будзе напоўніць канкрэтнымі праектамі ва ўсіх галінах. Размова ідзе аб пастаўках пажарных машын. У сельскай гаспадарцы патрэбны тэхніка і тэхналогіі. "Тут неабходна дапамога ў механізацыі сельскай гаспадаркі. Мы ім прапануем комплекс рашэнняў. Мы працуем ужо і ў Паўднёвай Афрыцы, таму тэхніка наша прыстасавана, мы забяспечым тут як сэрвіснае абслугоўванне, так і гарантыйнае", - падкрэсліў намеснік міністра прамысловасці Беларусі Андрэй Кузняцоў.
Беларусь гатова рэалізаваць той патэнцыял, які яна напрацавала за гады сваёй дыпламатычнай прысутнасці ў рэгіёне Блізкага Усходу па ўсіх ключавых напрамках. "Мы складаем ланцужок нашага ўзаемадзеяння з Ліванам. Інтэнсіўна падтрымліваем тэмп, не адыходзім з нашых пазіцый і дамоўленасцей. У іх ёсць жаданне развіваць з намі супрацоўніцтва, а ў нас ёсць тут свае інтарэсы. Мы рухаемся сюды і ніколі не адыходзілі. Але ў пэўныя моманты мы недзе акцэнтуем нашы намаганні і ўвагу на пэўных кропках. На цяперашні момант кропкай гэтай з'яўляецца Бейрут", - абазначыў першы намеснік міністра замежных спраў Беларусі Сяргей Лукашэвіч.
Ключавым у гэтым супрацоўніцтве з'яўляецца ўзаемная цікавасць. Для Беларусі - гэта перспектывы рынку Блізкага Усходу, а Лівану цікавы выхад на прастору ЕАЭС.-0-
Падпісвайцеся на нас у
