Фота з архіва
22 ліпеня, Мінск /Кар. БЕЛТА/. Дырэктар УП "Белінтэрэкспа" БелГПП Наталля Кураш расказала карэспандэнту БЕЛТА, як Беларусь паказала сябе на выстаўцы "ІНАПРАМ" у Екацярынбургу, якая прайшла з 8 па 11 ліпеня.
У гэтым годзе на выстаўцы краінай-партнёрам былі Аб'яднаныя Арабскія Эміраты. Беларусь удзельнічала ў "ІНАПРАМе" ў такім статусе ў мінулым годзе, але і ў бягучым паказала сябе не горш, адзначыла Наталля Кураш. "У гэтым годзе мы прывезлі новыя прадукты, якія былі дапрацаваны або яшчэ не прэзентаваны на выстаўцы. Усяго ў выстаўцы прынялі ўдзел 24 беларускія прадпрыемствы, якія прадставілі 40 натурных узораў. Фішкай гэтай выстаўкі быў новы цягач МАЗ-X, які зрабіў уражанне на ўсіх наведвальнікаў", - расказала яна.
У бягучым годзе на выстаўцы "ІНАПРАМ" свой прамысловы патэнцыял у рамках нацыянальных павільёнаў прадэманстравалі ААЭ, Казахстан, Узбекістан, Таджыкістан, Кыргызстан, Кітай і, вядома, Беларусь, а таксама 25 рэгіёнаў Расійскай Федэрацыі. Стэнд Беларусі наведалі чатыры прэм'ер-міністры - Расіі, Беларусі, Кыргызстана і Таджыкістана.
За чатыры дні "ІНАПРАМа" выстаўку наведалі амаль 47 тыс. чалавек з 60 дзяржаў. "Нашы кампаніі таксама прымалі ўдзел у дзелавой праграме. У цэлым, выстаўка для Беларусі прайшла паспяхова і многія прадстаўнікі абзавяліся карыснымі кантактамі і заключылі кантракты. Спадзяёмся, што ў будучым усе абмеркаванні на палях "ІНАПРАМа" рэалізуюцца на практыцы. Практычны вынік - гэта сумесныя распрацоўкі, продаж беларускай прадукцыі і, адпаведна, павелічэнне экспарту. Самае галоўнае - Беларусь чарговы раз пацвярджае высокую ступень прамысловага патэнцыялу сваіх прадпрыемстваў", - падкрэсліла Наталля Кураш. Дарэчы, па лініі Мінпрама агульная сума падпісаных кантрактаў склала каля $387 млн.
У рамках дзелавой праграмы прайшло шмат пасяджэнняў і абмеркаванняў паміж беларускімі і расійскімі кампаніямі. Наталля Кураш упэўнена, што супрацоўніцтва будзе ўзмацняцца і ў далейшым. "Акрамя таго, у нашых кампаній была магчымасць вырашыць не толькі, скажам, задачы федэральнага ўзроўню, але і рэгіянальнага характару, а таксама пацвердзіць актуальнасць інфармацыі па дзяржзакупках, правядзенні тэндараў на тэрыторыі Расіі, Казахстана, Таджыкістана", - сказала яна.-0-
У гэтым годзе на выстаўцы краінай-партнёрам былі Аб'яднаныя Арабскія Эміраты. Беларусь удзельнічала ў "ІНАПРАМе" ў такім статусе ў мінулым годзе, але і ў бягучым паказала сябе не горш, адзначыла Наталля Кураш. "У гэтым годзе мы прывезлі новыя прадукты, якія былі дапрацаваны або яшчэ не прэзентаваны на выстаўцы. Усяго ў выстаўцы прынялі ўдзел 24 беларускія прадпрыемствы, якія прадставілі 40 натурных узораў. Фішкай гэтай выстаўкі быў новы цягач МАЗ-X, які зрабіў уражанне на ўсіх наведвальнікаў", - расказала яна.
У бягучым годзе на выстаўцы "ІНАПРАМ" свой прамысловы патэнцыял у рамках нацыянальных павільёнаў прадэманстравалі ААЭ, Казахстан, Узбекістан, Таджыкістан, Кыргызстан, Кітай і, вядома, Беларусь, а таксама 25 рэгіёнаў Расійскай Федэрацыі. Стэнд Беларусі наведалі чатыры прэм'ер-міністры - Расіі, Беларусі, Кыргызстана і Таджыкістана.
За чатыры дні "ІНАПРАМа" выстаўку наведалі амаль 47 тыс. чалавек з 60 дзяржаў. "Нашы кампаніі таксама прымалі ўдзел у дзелавой праграме. У цэлым, выстаўка для Беларусі прайшла паспяхова і многія прадстаўнікі абзавяліся карыснымі кантактамі і заключылі кантракты. Спадзяёмся, што ў будучым усе абмеркаванні на палях "ІНАПРАМа" рэалізуюцца на практыцы. Практычны вынік - гэта сумесныя распрацоўкі, продаж беларускай прадукцыі і, адпаведна, павелічэнне экспарту. Самае галоўнае - Беларусь чарговы раз пацвярджае высокую ступень прамысловага патэнцыялу сваіх прадпрыемстваў", - падкрэсліла Наталля Кураш. Дарэчы, па лініі Мінпрама агульная сума падпісаных кантрактаў склала каля $387 млн.
У рамках дзелавой праграмы прайшло шмат пасяджэнняў і абмеркаванняў паміж беларускімі і расійскімі кампаніямі. Наталля Кураш упэўнена, што супрацоўніцтва будзе ўзмацняцца і ў далейшым. "Акрамя таго, у нашых кампаній была магчымасць вырашыць не толькі, скажам, задачы федэральнага ўзроўню, але і рэгіянальнага характару, а таксама пацвердзіць актуальнасць інфармацыі па дзяржзакупках, правядзенні тэндараў на тэрыторыі Расіі, Казахстана, Таджыкістана", - сказала яна.-0-
Падпісвайцеся на нас у
