Фота БУТБ
27 студзеня, Мінск /Кар. БЕЛТА/. Беларусь мае намер пашыраць таварную наменклатуру біржавога гандлю з Азербайджанам. Аб гэтым паведамілі БЕЛТА ў прэс-службе Беларускай універсальнай таварнай біржы.
У 2026 годзе плануецца не толькі павялічыць аб'ёмы біржавога гандлю Беларусі і Азербайджана па прапрацаваных ужо таварных напрамках, але і дапоўніць пералік тавараў, што рэалізуюцца ў рамках імпартных і экспартных здзелак, новымі перспектыўнымі пазіцыямі. Немалаважную ролю ў вырашэнні абедзвюх задач павінны адыграць біржавыя брокеры, якія дапамагаюць агрэгаваць попыт і прапанаванне тавараў на біржавой пляцоўцы, аказваюць садзейнічанне ў заключэнні здзелак і бяруць на сябе частку рызык, звязаных з аплатай тавару і яго дастаўкай пакупніку. Аб гэтым заявіў начальнік упраўлення знешнеэканамічнай дзейнасці Беларускай універсальнай таварнай біржы Яраслаў Кавальчук у час сустрэчы з прадстаўніком азербайджанскай брокерскай кампаніі, акрэдытаванай у мінулым годзе з мэтай прыцягнення на біржавыя таргі пакупнікоў прадукцыі лесапрамысловага комплексу.
Бакі абмеркавалі асноўныя паказчыкі біржавога гандлю з Азербайджанам у 2025 годзе, выявілі вузкія месцы і намецілі план работы на 2026 год.
"У мінулым годзе азербайджанскія кампаніі занялі чацвёртае месца па суме здзелак сярод усіх акрэдытаваных на біржы ўдзельнікаў-нерэзідэнтаў. Гэтаму пасадзейнічалі рэгулярныя закупкі беларускіх піламатэрыялаў, на якія прыпала 95 працэнтаў біржавога тавараабароту Беларусі і Азербайджана. Астатнія 5 працэнтаў забяспечылі пастаўкі сельгаспрадукцыі. У Азербайджан, у прыватнасці, імпартавалася сухое малако і вяршкі, сметанковае масла, сухая сумесь для марожанага, ялавічына і ялавічныя субпрадукты. Для параўнання: у 2024 годзе доля сегмента АПК складала толькі амаль 1 працэнт. Такім чынам, дыверсіфікацыю таварнай структуры беларуска-азербайджанскага біржавога гандлю можна лічыць адным з ключавых трэндаў мінулага года, які мы плануем развіваць і ў бягучым годзе. Зразумела, у гэтым пытанні мы разлічваем на падтрымку з боку брокераў, якія дапамогуць нам знайсці перспектыўныя нішы на рынку Азербайджана і раскрыць іх патэнцыял", - адзначыў Яраслаў Кавальчук.
На сёння сетка біржавых брокераў БУТБ налічвае 63 арганізацыі з 12 краін. Сярод нерэзідэнтаў найбольш шырока прадстаўлена Расія з сямю брокерамі, а таксама Кітай і Узбекістан, дзе акрэдытавана па тры брокеры. Па выніках 2025 года ўдзельная вага здзелак біржавых брокераў у сукупным тавараабароце БУТБ склала 16 працэнтаў.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
У 2026 годзе плануецца не толькі павялічыць аб'ёмы біржавога гандлю Беларусі і Азербайджана па прапрацаваных ужо таварных напрамках, але і дапоўніць пералік тавараў, што рэалізуюцца ў рамках імпартных і экспартных здзелак, новымі перспектыўнымі пазіцыямі. Немалаважную ролю ў вырашэнні абедзвюх задач павінны адыграць біржавыя брокеры, якія дапамагаюць агрэгаваць попыт і прапанаванне тавараў на біржавой пляцоўцы, аказваюць садзейнічанне ў заключэнні здзелак і бяруць на сябе частку рызык, звязаных з аплатай тавару і яго дастаўкай пакупніку. Аб гэтым заявіў начальнік упраўлення знешнеэканамічнай дзейнасці Беларускай універсальнай таварнай біржы Яраслаў Кавальчук у час сустрэчы з прадстаўніком азербайджанскай брокерскай кампаніі, акрэдытаванай у мінулым годзе з мэтай прыцягнення на біржавыя таргі пакупнікоў прадукцыі лесапрамысловага комплексу.
Бакі абмеркавалі асноўныя паказчыкі біржавога гандлю з Азербайджанам у 2025 годзе, выявілі вузкія месцы і намецілі план работы на 2026 год.
"У мінулым годзе азербайджанскія кампаніі занялі чацвёртае месца па суме здзелак сярод усіх акрэдытаваных на біржы ўдзельнікаў-нерэзідэнтаў. Гэтаму пасадзейнічалі рэгулярныя закупкі беларускіх піламатэрыялаў, на якія прыпала 95 працэнтаў біржавога тавараабароту Беларусі і Азербайджана. Астатнія 5 працэнтаў забяспечылі пастаўкі сельгаспрадукцыі. У Азербайджан, у прыватнасці, імпартавалася сухое малако і вяршкі, сметанковае масла, сухая сумесь для марожанага, ялавічына і ялавічныя субпрадукты. Для параўнання: у 2024 годзе доля сегмента АПК складала толькі амаль 1 працэнт. Такім чынам, дыверсіфікацыю таварнай структуры беларуска-азербайджанскага біржавога гандлю можна лічыць адным з ключавых трэндаў мінулага года, які мы плануем развіваць і ў бягучым годзе. Зразумела, у гэтым пытанні мы разлічваем на падтрымку з боку брокераў, якія дапамогуць нам знайсці перспектыўныя нішы на рынку Азербайджана і раскрыць іх патэнцыял", - адзначыў Яраслаў Кавальчук.
На сёння сетка біржавых брокераў БУТБ налічвае 63 арганізацыі з 12 краін. Сярод нерэзідэнтаў найбольш шырока прадстаўлена Расія з сямю брокерамі, а таксама Кітай і Узбекістан, дзе акрэдытавана па тры брокеры. Па выніках 2025 года ўдзельная вага здзелак біржавых брокераў у сукупным тавараабароце БУТБ склала 16 працэнтаў.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
