Фота Мінэнерга
22 мая, Мінск /Кар. БЕЛТА/. Беларусь і Венгрыя падпісалі дарожную карту супрацоўніцтва ў атамнай энергетыцы на 2025-2027 гады. Аб гэтым паведаміла карэспандэнту БЕЛТА начальнік аддзела міжнароднага супрацоўніцтва, падрыхтоўкі кадраў і інфармацыйнага забеспячэння Дэпартамента па ядзернай энергетыцы Мінэнерга Вольга Казловіч.
Дакумент падпісаны Дэпартаментам па ядзернай энергетыцы Міністэрства энергетыкі, Беларускай АЭС і АЭС "Пакш ІІ" у рамках рэалізацыі мемарандума аб узаемаразуменні паміж Міністэрствам энергетыкі Беларусі і Міністэрствам замежных спраў і знешняга гандлю Венгрыі аб паглыбленні партнёрства ў сферы атамнай энергетыкі.
Дарожная карта ўключае мерапрыемствы па абмене вопытам па пытаннях развіцця ядзерна-энергетычнай інфраструктуры, забеспячэння ядзернай і радыяцыйнай бяспекі, абыходжання з радыеактыўнымі адходамі і адпрацаваным ядзерным палівам, навукова-тэхнічнай падтрымкі эксплуатацыі АЭС.
"Беларусь паспяхова рэалізавала праект па збудаванні і ўводзе ў эксплуатацыю атамнай электрастанцыі і сёння дзеліцца вопытам з краінамі-партнёрамі, у тым ліку з Венгрыяй, дзе таксама будуюць новую АЭС па расійскім праекце з вода-вадянымі рэактарамі пакалення 3+, - адзначыла Вольга Казловіч. - Беларускія і венгерскія атамшчыкі развіваюць партнёрскія сувязі, абменьваюцца лепшымі практыкамі, працуе экспертная група па супрацоўніцтве ў сферы атамнай энергетыкі. Падпісаная дарожная карта вызначае прыярытэтныя напрамкі гэтай работы і будзе садзейнічаць узаемнаму развіццю кампетэнцый у атамнай галіне".
Ключавой тэмай пасяджэння рабочай групы, якое праходзіць у Будапешце з 21 па 23 мая, стала навукова-тэхнічнае суправаджэнне АЭС. Беларуская дэлегацыя вывучыць венгерскі вопыт па фарміраванні сістэмы навукова-тэхнічнай падтрымкі АЭС, азнаёміцца з асноўнымі напрамкамі навуковай дзейнасці Цэнтра энергетычных даследаванняў у Будапешце, работай даследчага рэактара, наведае шэраг лабараторый.
Сёння адбылася сустрэча ўдзельнікаў рабочай групы з паслом Беларусі ў Венгрыі Уладзімірам Улаховічам. Абмеркаваны актуальныя пытанні супрацоўніцтва, бакі адзначылі дадатную дынаміку развіцця двухбаковых кантактаў.-0-
Дакумент падпісаны Дэпартаментам па ядзернай энергетыцы Міністэрства энергетыкі, Беларускай АЭС і АЭС "Пакш ІІ" у рамках рэалізацыі мемарандума аб узаемаразуменні паміж Міністэрствам энергетыкі Беларусі і Міністэрствам замежных спраў і знешняга гандлю Венгрыі аб паглыбленні партнёрства ў сферы атамнай энергетыкі.
Дарожная карта ўключае мерапрыемствы па абмене вопытам па пытаннях развіцця ядзерна-энергетычнай інфраструктуры, забеспячэння ядзернай і радыяцыйнай бяспекі, абыходжання з радыеактыўнымі адходамі і адпрацаваным ядзерным палівам, навукова-тэхнічнай падтрымкі эксплуатацыі АЭС.
"Беларусь паспяхова рэалізавала праект па збудаванні і ўводзе ў эксплуатацыю атамнай электрастанцыі і сёння дзеліцца вопытам з краінамі-партнёрамі, у тым ліку з Венгрыяй, дзе таксама будуюць новую АЭС па расійскім праекце з вода-вадянымі рэактарамі пакалення 3+, - адзначыла Вольга Казловіч. - Беларускія і венгерскія атамшчыкі развіваюць партнёрскія сувязі, абменьваюцца лепшымі практыкамі, працуе экспертная група па супрацоўніцтве ў сферы атамнай энергетыкі. Падпісаная дарожная карта вызначае прыярытэтныя напрамкі гэтай работы і будзе садзейнічаць узаемнаму развіццю кампетэнцый у атамнай галіне".
Ключавой тэмай пасяджэння рабочай групы, якое праходзіць у Будапешце з 21 па 23 мая, стала навукова-тэхнічнае суправаджэнне АЭС. Беларуская дэлегацыя вывучыць венгерскі вопыт па фарміраванні сістэмы навукова-тэхнічнай падтрымкі АЭС, азнаёміцца з асноўнымі напрамкамі навуковай дзейнасці Цэнтра энергетычных даследаванняў у Будапешце, работай даследчага рэактара, наведае шэраг лабараторый.
Сёння адбылася сустрэча ўдзельнікаў рабочай групы з паслом Беларусі ў Венгрыі Уладзімірам Улаховічам. Абмеркаваны актуальныя пытанні супрацоўніцтва, бакі адзначылі дадатную дынаміку развіцця двухбаковых кантактаў.-0-
Падпісвайцеся на нас у
