Фота з архіва
28 студзеня, Мінск /Кар. БЕЛТА/. Беларусь і Узбекістан паспрабуюць знайсці пункты кампрамісу па пытаннях устаранення тэхнічных бар'ераў у гандлі. Да такога рашэння прыйшлі партнёры па выніках візіту дэлегацыі Узбекскага агенцтва па тэхнічным рэгуляванні пры Кабінеце Міністраў Узбекістана (Узстандарт) у Дзяржстандарт, паведамілі БЕЛТА ў прэс-службе камітэта.
Ключавым пунктам праграмы візіту стала рабочая нарада па абмеркаванні шляхоў устаранення тэхнічных бар'ераў пры пастаўках асобных відаў беларускай прадукцыі на ўзбекскі рынак. Старшыня Дзяржстандарту Алена Маргунова, з'яўляючыся кіраўніком (ад беларускага боку) рабочай групы па вырашэнні пытанняў, звязаных з тэхнічнымі бар'ерамі ў гандлі паміж Беларуссю і Узбекістанам, ужо неаднаразова ўзнімала актуальныя пытанні ўзаемных паставак. Былі абазначаны праблемы ва ўзаемным гандлі пэўнымі відамі прадукцыі і намечаны шляхі іх вырашэння.
Кіраўнік Дзяржстандарту звярнула ўвагу на значную нарматыўную прававую базу двухбаковага супрацоўніцтва ў галіне тэхнічнага рэгулявання, стандартызацыі, метралогіі, ацэнкі адпаведнасці і акрэдытацыі, расказала аб сумеснай рабоце на інтэграцыйных пляцоўках у рамках СНД і ЕАЭС і ўдзяліла ўвагу пытанням зняцця тэхнічных бар'ераў ва ўзаемным гандлі. Як удакладнілі ў прэс-службе Дзяржстандарту, па выніках нарады можна рэзюмаваць, што кропкі кампрамісу будуць знойдзены.
Так, у частцы патрабаванняў па энергаэфектыўнасці да бытавых электрапрыбораў, рэалізацыя якіх выклікала складанасці для ўсіх удзельнікаў узбекскага рынку, узбекскім бокам на гэты момант вядуцца работы па прывядзенні нацыянальнага заканадаўства ў адпаведнасць з патрабаваннямі СГА. У ліку паправак - выключэнне шэрага пазіцый, напрыклад, электрасокавыціскалкі і электрасушылкі з пераліку прадукцыі, адносна якой неабходна праводзіць выпрабаванні па паказчыках энергаэфектыўнасці. Адначасова ўдакладняецца клас энергаэфектыўнасці для доступу на рынак і прадугледжваецца пераход на еўрапейскія стандарты ў гэтай галіне.
Было абазначана, што важна трымаць адзін аднаго ў курсе распрацоўкі якіх-небудзь дадатковых патрабаванняў да той ці іншай узаемапастаўляемай прадукцыі. У прыватнасці, размова ішла аб праекце новага тэхнічнага рэгламенту Узбекістана на ліфты, які больш аб'ёмны за папярэдніка і ахоплівае не толькі гатовую прадукцыю, але і ўвесь цыкл вытворчасці і эксплуатацыі. Змяненні актуальны для буйнейшага ў СНД вытворцы ліфтаў - Магілёўскага завода ліфтавага машынабудавання, прадукцыя якога адпавядае еўрапейскім патрабаванням, з якімі і будзе гарманізаваны новы тэхнічны рэгламент ва Узбекістане.
Адзначалася таксама важнасць наяўнасці адпаведных методык выпрабаванняў і лабараторнай інфраструктуры пры ўвядзенні абавязковых патрабаванняў і схем пацвярджэння адпаведнасці ім. Гэта, напрыклад, выклікала складанасці пры пастаўках халадзільнікаў і маразільнікаў. У гэтай рабоце, як лічаць у Дзяржстандарце, варта кіравацца прынцыпам "адзін прадукт - адзін сертыфікат", рэалізуючы перавагі, звязаныя з удзелам ведамстваў у міжнародных арганізацыях.
Першы намеснік старшыні Мінгарвыканкама Надзея Лазарэвіч выказала пажаданне больш хуткага руху бакоў насустрач адзін аднаму. У тым ліку прапанавала разглядаць пытанні арганізацыі сумеснай вытворчасці той ці іншай прадукцыі, што і новыя вырабы дазволіць прадставіць на рынак, і паскорыць працэдуры ацэнкі іх адпаведнасці, і дасць стратэгічныя аб'ёмы паставак. "Мы гатовы быць партнёрамі, увайсці ў кааперацыйныя сувязі, прапанаваць свой вопыт і тэхналогіі, напрыклад, па ліфтах", - сказала яна.
Беларускі бок выказаў зацікаўленасць у вывучэнні вопыту Узбекістана па ўстанаўленні патрабаванняў да газавых лічыльнікаў у частцы сістэм аўтаматычнага кантролю ўліку газу. Гэта выклікана як экспартам гэтай прадукцыі, так і прапрацоўкай аналагічных падыходаў у Беларусі. Узбекскія спецыялісты выказалі вялікую зацікаўленасць да навучання і стажыроўкі сваіх спецыялістаў у тэхнічнай сферы на аснове беларускіх кампетэнцый і вопыту.
Першы намеснік дырэктара Узстандарту Абдурауф Абдукаюмаў адзначыў, што ўсе абмеркаваныя пытанні адлюстраваны ў комплекснай праграме па зняцці тэхнічных бар'ераў ва ўзаемным гандлі паміж Беларуссю і Узбекістанам, падпісанай 16 снежня мінулага года. "Нам неабходна паскорыцца ў выкананні прадугледжаных у ёй мерапрыемстваў, у тым ліку ў пытанні ўзаемапрызнання дакументаў", - падкрэсліў першы намеснік дырэктара Узстандарту.
Алена Маргунова пацвердзіла зацікаўленасць беларускай прамысловасці ў рынку Узбекістана і гатоўнасць канкурыраваць на ім на роўных умовах, супрацоўнічаць і весці канструктыўны дыялог.
У час візіту ўзбекскай дэлегацыі наладзілі супрацоўніцтва і падведамныя арганізацыі Дзяржстандарту і Узстандарту. Так, нацыянальныя метралагічныя інстытуты падпісалі пагадненне аб супрацоўніцтве ў галіне забеспячэння адзінства вымярэнняў, а па стандартызацыі - мемарандум аб узаемаразуменні па супрацоўніцтве ў галіне стандартызацыі і ацэнкі адпаведнасці, абмеркаваны праекты дарожных карт па іх рэалізацыі.-0-
Ключавым пунктам праграмы візіту стала рабочая нарада па абмеркаванні шляхоў устаранення тэхнічных бар'ераў пры пастаўках асобных відаў беларускай прадукцыі на ўзбекскі рынак. Старшыня Дзяржстандарту Алена Маргунова, з'яўляючыся кіраўніком (ад беларускага боку) рабочай групы па вырашэнні пытанняў, звязаных з тэхнічнымі бар'ерамі ў гандлі паміж Беларуссю і Узбекістанам, ужо неаднаразова ўзнімала актуальныя пытанні ўзаемных паставак. Былі абазначаны праблемы ва ўзаемным гандлі пэўнымі відамі прадукцыі і намечаны шляхі іх вырашэння.
Кіраўнік Дзяржстандарту звярнула ўвагу на значную нарматыўную прававую базу двухбаковага супрацоўніцтва ў галіне тэхнічнага рэгулявання, стандартызацыі, метралогіі, ацэнкі адпаведнасці і акрэдытацыі, расказала аб сумеснай рабоце на інтэграцыйных пляцоўках у рамках СНД і ЕАЭС і ўдзяліла ўвагу пытанням зняцця тэхнічных бар'ераў ва ўзаемным гандлі. Як удакладнілі ў прэс-службе Дзяржстандарту, па выніках нарады можна рэзюмаваць, што кропкі кампрамісу будуць знойдзены.
Так, у частцы патрабаванняў па энергаэфектыўнасці да бытавых электрапрыбораў, рэалізацыя якіх выклікала складанасці для ўсіх удзельнікаў узбекскага рынку, узбекскім бокам на гэты момант вядуцца работы па прывядзенні нацыянальнага заканадаўства ў адпаведнасць з патрабаваннямі СГА. У ліку паправак - выключэнне шэрага пазіцый, напрыклад, электрасокавыціскалкі і электрасушылкі з пераліку прадукцыі, адносна якой неабходна праводзіць выпрабаванні па паказчыках энергаэфектыўнасці. Адначасова ўдакладняецца клас энергаэфектыўнасці для доступу на рынак і прадугледжваецца пераход на еўрапейскія стандарты ў гэтай галіне.
Было абазначана, што важна трымаць адзін аднаго ў курсе распрацоўкі якіх-небудзь дадатковых патрабаванняў да той ці іншай узаемапастаўляемай прадукцыі. У прыватнасці, размова ішла аб праекце новага тэхнічнага рэгламенту Узбекістана на ліфты, які больш аб'ёмны за папярэдніка і ахоплівае не толькі гатовую прадукцыю, але і ўвесь цыкл вытворчасці і эксплуатацыі. Змяненні актуальны для буйнейшага ў СНД вытворцы ліфтаў - Магілёўскага завода ліфтавага машынабудавання, прадукцыя якога адпавядае еўрапейскім патрабаванням, з якімі і будзе гарманізаваны новы тэхнічны рэгламент ва Узбекістане.
Адзначалася таксама важнасць наяўнасці адпаведных методык выпрабаванняў і лабараторнай інфраструктуры пры ўвядзенні абавязковых патрабаванняў і схем пацвярджэння адпаведнасці ім. Гэта, напрыклад, выклікала складанасці пры пастаўках халадзільнікаў і маразільнікаў. У гэтай рабоце, як лічаць у Дзяржстандарце, варта кіравацца прынцыпам "адзін прадукт - адзін сертыфікат", рэалізуючы перавагі, звязаныя з удзелам ведамстваў у міжнародных арганізацыях.
Першы намеснік старшыні Мінгарвыканкама Надзея Лазарэвіч выказала пажаданне больш хуткага руху бакоў насустрач адзін аднаму. У тым ліку прапанавала разглядаць пытанні арганізацыі сумеснай вытворчасці той ці іншай прадукцыі, што і новыя вырабы дазволіць прадставіць на рынак, і паскорыць працэдуры ацэнкі іх адпаведнасці, і дасць стратэгічныя аб'ёмы паставак. "Мы гатовы быць партнёрамі, увайсці ў кааперацыйныя сувязі, прапанаваць свой вопыт і тэхналогіі, напрыклад, па ліфтах", - сказала яна.
Беларускі бок выказаў зацікаўленасць у вывучэнні вопыту Узбекістана па ўстанаўленні патрабаванняў да газавых лічыльнікаў у частцы сістэм аўтаматычнага кантролю ўліку газу. Гэта выклікана як экспартам гэтай прадукцыі, так і прапрацоўкай аналагічных падыходаў у Беларусі. Узбекскія спецыялісты выказалі вялікую зацікаўленасць да навучання і стажыроўкі сваіх спецыялістаў у тэхнічнай сферы на аснове беларускіх кампетэнцый і вопыту.
Першы намеснік дырэктара Узстандарту Абдурауф Абдукаюмаў адзначыў, што ўсе абмеркаваныя пытанні адлюстраваны ў комплекснай праграме па зняцці тэхнічных бар'ераў ва ўзаемным гандлі паміж Беларуссю і Узбекістанам, падпісанай 16 снежня мінулага года. "Нам неабходна паскорыцца ў выкананні прадугледжаных у ёй мерапрыемстваў, у тым ліку ў пытанні ўзаемапрызнання дакументаў", - падкрэсліў першы намеснік дырэктара Узстандарту.
Алена Маргунова пацвердзіла зацікаўленасць беларускай прамысловасці ў рынку Узбекістана і гатоўнасць канкурыраваць на ім на роўных умовах, супрацоўнічаць і весці канструктыўны дыялог.
У час візіту ўзбекскай дэлегацыі наладзілі супрацоўніцтва і падведамныя арганізацыі Дзяржстандарту і Узстандарту. Так, нацыянальныя метралагічныя інстытуты падпісалі пагадненне аб супрацоўніцтве ў галіне забеспячэння адзінства вымярэнняў, а па стандартызацыі - мемарандум аб узаемаразуменні па супрацоўніцтве ў галіне стандартызацыі і ацэнкі адпаведнасці, абмеркаваны праекты дарожных карт па іх рэалізацыі.-0-
Падпісвайцеся на нас у
