16 сакавіка, Мінск /Кар. БЕЛТА/. Беларусь і Таджыкістан дамовіліся аб павелічэнні квоты дазволаў на грузаперавозкі. Аб гэтым паведамілі БЕЛТА ў прэс-службе Міністэрства транспарту і камунікацый па выніках пасяджэння беларуска-таджыкскай змешанай камісіі па міжнародных аўтамабільных зносінах.
"Пасля аналізу эканамічных даных за 2020 год і прадстаўлення абодвума бакамі інфармацыі аб выкарыстанні дазволаў дасягнута дамоўленасць аб павелічэнні на бягучы год квоты дазволаў на ўзаемнай аснове на 1500 штук і папярэдняй квоце на 2022 год у колькасці 2500 дазволаў", - расказалі ў прэс-службе.
Бакі згадзіліся, што ў выпадку неабходнасці квота дазволаў можа быць перагледжана ў бок павелічэння.-0-
