Беларусь і Свярдлоўская вобласць абмеркавалі стварэнне прадпрыемства па выпуску гідраўлічнага абсталявання

10 ліпеня, Мінск /Кар. БЕЛТА/. Шостае пасяджэнне рабочай групы паміж Міністэрствам прамысловасці Беларусі і ўрадам Свярдлоўскай вобласці Расіі адбылося на палях міжнароднай прамысловай выстаўкі "ІНАПРАМ" у Екацярынбургу. Аб гэтым паведамілі карэспандэнту БЕЛТА ў прэс-службе Мінпрама.

З беларускага боку ўдзел прыняў міністр прамысловасці Аляксандр Яфімаў, з расійскага - першы намеснік губернатара Свярдлоўскай вобласці Аляксей Шмыкаў. "Рэспубліка Беларусь традыцыйна ўваходзіць у лік буйнейшых гандлёвых партнёраў Свярдлоўскай вобласці. Наладжана эфектыўная прамкааперацыя двух рэгіёнаў у галіне сельскагаспадарчага машынабудавання, камунальнай, кар'ернай тэхнікі і інш. У сувязі з гэтым на пасяджэнні рабочай групы абмяркоўваліся перспектывы далейшага супрацоўніцтва з МАЗ, БЕЛАЗ, МТЗ, BKM Holding, "Магілёўліфтмаш", АМКАДОР, БМЗ і прадпрыемствамі станкабудавання", - адзначылі ў прэс-службе.

Наглядным прыкладам канструктыўнага дзелавога партнёрства можа служыць супрацоўніцтва ў галіне вытворчасці гідраўлічнага абсталявання. Так, бакі абмеркавалі ход рэалізацыі праекта па стварэнні першага на тэрыторыі Беларусі сумеснага прадпрыемства па выпуску гідрапомпаў пры ўдзеле БЕЛАЗа і АТ "Пнеўмабудмашына", расійскага лідара ў гэтым сегменце.-0-