24 верасня, Мінск /Кар. БЕЛТА/. Беларусь і Рэспубліка Карэя рыхтуюцца да падпісання пагаднення аб супрацоўніцтве і ўзаемнай дапамозе ў мытных справах. Аб гэтым паведамілі БЕЛТА ў Дзяржаўным мытным камітэце па выніках сустрэчы старшыні ДМК Юрыя Сянько з паслом Рэспублікі Карэя ў Беларусі Тхэ Чжун Ёлем.
"Бакі абмеркавалі пытанні ўзаемадзеяння. У прыватнасці, асаблівая ўвага была ўдзелена ступені гатоўнасці да падпісання пагаднення паміж урадамі Беларусі і Рэспублікі Карэя аб супрацоўніцтве і ўзаемнай дапамозе ў мытных справах. На гэты момант праект дакумента знаходзіцца ў абедзвюх дзяржавах на стадыі правядзення ўнутрыдзяржаўных працэдур, неабходных для падпісання", - расказалі ў ДМК.
Пасля завяршэння сустрэчы карэйскі бок перадаў мытнай службе Беларусі касцюмы для аховы ад каранавіруснай інфекцыі.-0-
