5 снежня, Мінск /Кар. БЕЛТА/. Беларусь і Расія завяршылі работы па фарміраванні аб'яднанага рынку электраэнергіі. Аб гэтым заявіў журналістам дзяржаўны сакратар Саюзнай дзяржавы Дзмітрый Мезенцаў, перадае карэспандэнт БЕЛТА.
"Выхад на рашэнні, якія адбудуцца заўтра (на пасяджэнні Вышэйшага дзяржсавета Саюзнай дзяржавы 6 снежня. - Заўвага БЕЛТА) і паказваюць поспех інтэграцыі, сведчыць аб завяршэнні работы па фарміраванні адзінага энергарынку Саюзнай дзяржавы, - расказаў Дзмітрый Мезенцаў. - Калі камісія пачынала работу ў снежні 2018 года, цяжка верылася ў тое, што за такі кароткі перыяд можна будзе выйсці на міждзяржаўнае пагадненне. Гэта забеспячэнне іншага ўзроўню энергабяспекі Беларусі, узаемавыгаднае рашэнне для энергетыкаў нашых краін".
На пасяджэнні бакі плануюць зацвердзіць Дагавор аб фарміраванні аб'яднанага рынку электраэнергіі Саюзнай дзяржавы. "Гэта ўзаемавыгаднае пагадненне, якое дае магчымасць знізіць да мінімуму страты ў энергасетках, збалансаваць тарыфы, забяспечыць узаемны ператок энергіі дзеля людзей, дзеля папаўнення бюджэтаў, - растлумачыў дзяржсакратар. - Гэта і вынік уводу ў строй Беларускай атамнай станцыі, гэта фарміраванне той сістэмы адносін, якая грунтуецца на фундаменце большага даверу і сапраўды раўнапраўнага ўліку інтарэсаў адзін аднаго".
Дзмітрый Мезенцаў дадаў, што спрэчкі ў міждзяржаўных адносінах заўсёды будуць, як пакупнік заўсёды спрачаецца з прадаўцом або як спрачаюцца суб'екты гаспадарання. "Але ў мадэлі адносін гэта тое, што неабходна для таго, каб мы дасягалі відавочных вынікаў. А яны, безумоўна, ёсць", - падкрэсліў ён.-0-
Падпісвайцеся на нас у
