6 снежня, Мінск /Кар. БЕЛТА/. Беларусь і Расія ўзгаднілі асноўную частку пытанняў па аграрнай палітыцы, паведамілі БЕЛТА ў Мінсельгасхарчы па выніках рабочай сустрэчы міністра сельскай гаспадаркі і харчавання Беларусі Анатоля Хацько з міністрам сельскай гаспадаркі Расіі Дзмітрыем Патрушавым.
Бакі разгледзелі актуальныя пытанні супрацоўніцтва ў сферы АПК і перспектывы далейшага развіцця двухбаковых адносін. Абмяркоўваўся бягучы статус работы па ўзгадненні дарожных карт Саюзнай дзяржавы. "Міністэрствы вядуць сумесную работу па фарміраванні адзінай аграрнай палітыкі, асноўная частка пытанняў ужо ўзгоднена", - адзначылі ў прэс-службе.
У парадку дня была таксама распрацоўка прагнозных балансаў прадукцыі АПК на 2020 год. Гандлёвыя балансы застаюцца асноўным механізмам рэгулявання аграрнага рынку Саюзнай дзяржавы, у сувязі з чым была адзначана неабходнасць іх узгаднення ў бліжэйшы час.-0-