Фота з архіва
7 сакавіка, Мінск /Кар. БЕЛТА/. Магчымасці Беларускай універсальнай таварнай біржы плануецца выкарыстоўваць з мэтай інтэнсіфікацыі гандлёва-эканамічнага супрацоўніцтва Беларусі і М'янмы. Аб гэтым паведамілі БЕЛТА ў прэс-службе БУТБ.
Мяркуецца, што выкарыстанне біржавога механізма спросціць работу м'янманскіх кампаній на рынку Беларусі, а таксама забяспечыць празрыстасць цэнаўтварэння, кантроль выканання абавязацельстваў і дадатковыя інструменты страхавання рызык пры заключэнні экспартна-імпартных здзелак. Аб гэтым ішла размова ў ходзе беларуска-м'янманскага бізнес-форуму, які праходзіць у Мінску з нагоды афіцыйнага візіту старшыні Дзяржаўнага адміністрацыйнага савета, прэм'ер-міністра Рэспублікі Саюз М'янма Мін Аун Хлайна.
Расказваючы аб найбольш перспектыўных сферах прымянення біржавой пляцоўкі, памочнік старшыні праўлення БУТБ Яраслаў Кавальчук акцэнтаваў увагу на сегменце АПК, які ўяўляе асаблівы інтарэс для м'янманскага бізнесу ў частцы закупак беларускай сельгаспрадукцыі.
"Па выніках мінулага года біржавы экспарт прадукцыі сельскай гаспадаркі вырас больш як у шэсць разоў, дасягнуўшы $959 млн. Узыходзячы трэнд захоўваецца і ў бягучым годзе. За студзень-люты сума здзелак па рэалізацыі тавараў сельскагаспадарчай групы склала $192 млн, што ў два разы больш, чым за аналагічны перыяд мінулага года. Пры гэтым лідарамі продажаў з'яўляюцца таварныя пазіцыі, якія будуць, безумоўна, запатрабаваны ў М'янме, а менавіта сухое малако і кармавыя дабаўкі. У сувязі з гэтым мы гатовы аказаць садзейнічанне любой м'янманскай кампаніі, зацікаўленай у набыцці гэтай прадукцыі на біржавых таргах. У нас акрэдытаваны ўсе вядучыя малакаперапрацоўчыя прадпрыемствы краіны, а таксама буйнейшы вытворца амінакіслот - Беларуская нацыянальная біятэхналагічная карпарацыя. Таму для м'янманскіх імпарцёраў біржа стане зручнай кропкай уваходу на беларускі рынак", - адзначыў прадстаўнік БУТБ.
Цяпер на БУТБ акрэдытаваны 35 858 суб'ектаў гаспадарання, у тым ліку 8 161 нерэзідэнт Беларусі з 79 краін.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. Беларуская ўніверсальная таварная біржа - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Мяркуецца, што выкарыстанне біржавога механізма спросціць работу м'янманскіх кампаній на рынку Беларусі, а таксама забяспечыць празрыстасць цэнаўтварэння, кантроль выканання абавязацельстваў і дадатковыя інструменты страхавання рызык пры заключэнні экспартна-імпартных здзелак. Аб гэтым ішла размова ў ходзе беларуска-м'янманскага бізнес-форуму, які праходзіць у Мінску з нагоды афіцыйнага візіту старшыні Дзяржаўнага адміністрацыйнага савета, прэм'ер-міністра Рэспублікі Саюз М'янма Мін Аун Хлайна.
Расказваючы аб найбольш перспектыўных сферах прымянення біржавой пляцоўкі, памочнік старшыні праўлення БУТБ Яраслаў Кавальчук акцэнтаваў увагу на сегменце АПК, які ўяўляе асаблівы інтарэс для м'янманскага бізнесу ў частцы закупак беларускай сельгаспрадукцыі.
"Па выніках мінулага года біржавы экспарт прадукцыі сельскай гаспадаркі вырас больш як у шэсць разоў, дасягнуўшы $959 млн. Узыходзячы трэнд захоўваецца і ў бягучым годзе. За студзень-люты сума здзелак па рэалізацыі тавараў сельскагаспадарчай групы склала $192 млн, што ў два разы больш, чым за аналагічны перыяд мінулага года. Пры гэтым лідарамі продажаў з'яўляюцца таварныя пазіцыі, якія будуць, безумоўна, запатрабаваны ў М'янме, а менавіта сухое малако і кармавыя дабаўкі. У сувязі з гэтым мы гатовы аказаць садзейнічанне любой м'янманскай кампаніі, зацікаўленай у набыцці гэтай прадукцыі на біржавых таргах. У нас акрэдытаваны ўсе вядучыя малакаперапрацоўчыя прадпрыемствы краіны, а таксама буйнейшы вытворца амінакіслот - Беларуская нацыянальная біятэхналагічная карпарацыя. Таму для м'янманскіх імпарцёраў біржа стане зручнай кропкай уваходу на беларускі рынак", - адзначыў прадстаўнік БУТБ.
Цяпер на БУТБ акрэдытаваны 35 858 суб'ектаў гаспадарання, у тым ліку 8 161 нерэзідэнт Беларусі з 79 краін.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. Беларуская ўніверсальная таварная біржа - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
