ДЗЯРЖОРГАНЫДЗЯРЖОРГАНЫ
Аўторак, 14 ліпеня 2020
Мінск Малавоблачна +16°C
Усе навіны
Усе навіны
Эканоміка
30 чэрвеня 2020, 09:37

Беларусь і Калумбія плануюць стварыць гандлёвую асацыяцыю для ўмацавання эканамічных кантактаў

Фота з архіва
Фота з архіва

30 чэрвеня, Мінск /Кар. БЕЛТА/. Беларуска-калумбійскую гандлёвую асацыяцыю плануюць стварыць для ўмацавання эканамічных кантактаў. Аб гэтым 29 чэрвеня ў час адкрыцця міжнароднага анлайн-курса паведаміў пасол Беларусі ў Эквадоры і па сумяшчальніцтве ў Калумбіі, Нікарагуа і Панаме Мікалай Аўсянка, перадае карэспандэнт БЕЛТА.

"Для ўмацавання эканамічных кантактаў плануецца стварэнне сумеснай беларуска-калумбійскай гандлёвай асацыяцыі", - праінфармаваў дыпламат. Ён заўважыў, што эканомікі Беларусі і Калумбіі ўзаемадапаўняльныя - тое, што вырабляе Беларусь, не вырабляецца ў Калумбіі, і наадварот. "Таму ў нас вельмі добрыя перспектывы для развіцця супрацоўніцтва", - сказаў Мікалай Аўсянка.

Узаемаадносіны з Калумбіяй развіваюцца пакрокава, вядзецца работа над прыцягненнем увагі калумбійскіх кампаній. "У цэлым мае адчуванні ад узаемадзеяння з калумбійскімі калегамі, прадпрымальнікамі такія - цяпер цікавасць да Беларусі з боку Калумбіі вельмі вялікая. І наша задача - не страціць гэту цікавасць і актыўна яе развіваць. У тым ліку для гэтых мэт, як толькі будзе магчымасць, мы будзем садзейнічаць арганізацыі паездкі калумбійскіх прадпрымальнікаў у Беларусь для сустрэчы з патэнцыяльна зацікаўленымі беларускімі вытворцамі, - адзначыў пасол. - Ёсць узаемная зацікаўленасць, што вельмі важна".

"Мы бачым добрыя перспектывы ў пашырэнні супрацоўніцтва ў прыборабудаванні, нафтавай і хімічнай прамысловасці, фармацэўтыцы, транспарце і лагістыцы. Калумбія для Беларусі - гэта дзверы ў Лацінскую Амерыку, у прыватнасці ў Ціхаакіянскі альянс", - сказаў Мікалай Аўсянка. Ён выказаў удзячнасць за садзейнічанне Багаты ў атрыманні Беларуссю статусу наглядальніка ў гэтым аб'яднанні і адзначыў, што для развіцця кантактаў было прынята рашэнне стварыць пасольства Беларусі ў сталіцы Калумбіі Багаце.

"Мы бачым добрыя перспектывы для нашых кампаній, якія вырабляюць аўтамабільную тэхніку, нафтавай і хімічнай прамысловасці", - падкрэсліў дыпламат і дадаў, што Беларусь можа прадаставіць добрыя ўмовы ў рамках ініцыятывы "Пояс і шлях". "Больш таго, Беларусь - гэта таксама дзверы для спажыўцоў вялікага рынку ЕАЭС", - сказаў ён.

Мікалай Аўсянка паведаміў, што ёсць зацікаўленасць дзвюх краін у правядзенні ў бліжэйшы час кансультацый знешнепалітычных ведамстваў. Акрамя таго, як толькі дазволіць сітуацыя, калумбійцаў плануюць пазнаёміць з беларускай культурай, у прыватнасці з беларускімі фільмамі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі