23 лістапада, Мінск /Кар. БЕЛТА/. Беларусь і Іран маюць намер вывесці адносіны на якасна новы ўзровень. Аб гэтым заявіў Прэзідэнт Ірана Эбрахім Раісі ў час сустрэчы з прэм'ер-міністрам Беларусі Раманам Галоўчанкам, паведамляе карэспандэнт БЕЛТА.
"Паміж нашымі краінамі заўсёды былі добрыя, моцныя і дружалюбныя адносіны. Не так даўно мы сустрэліся з кіраўніцтвам Беларусі і дамовіліся вывесці нашы адносіны на новы, больш якасны ўзровень", - адзначыў Эбрахім Раісі.
У студзені - верасні 2022 года тавараабарот паміж Беларуссю і Іранам вырас да $63,6 млн (рост у 2,9 раза да аналагічнага перыяду 2021 года), экспарт - да $48,6 млн (у 4,4 раза), імпарт - да $15 млн (рост на 41,8 працэнта). Сальда дадатнае - $33,6 млн.-0-
