5 сакавіка, Мінск /Кар. БЕЛТА/. Беларусь і Арменія 12 сакавіка правядуць у Ерэване пасяджэнне міжурадавай камісіі па гандлёва-эканамічным супрацоўніцтве. Аб гэтым паведаміў 4 сакавіка журналістам начальнік упраўлення інфармацыі і лічбавай дыпламатыі - прэс-сакратар МЗС Анатоль Глаз, перадае карэспандэнт БЕЛТА.
"На пасяджэнні будзе разгледжаны шырокі спектр пытанняў двухбаковага эканамічнага і інвестыцыйнага супрацоўніцтва, канкрэтныя крокі, накіраваныя на актывізацыю гандлёвага ўзаемадзеяння і далейшы рост тавараабароту", - расказаў Анатоль Глаз.
Паводле яго слоў, апошнім часам адзначаецца пазітыўная тэндэнцыя ўмацавання беларуска-армянскіх гандлёвых сувязей. У 2019 годзе тавараабарот вырас амаль на 45 працэнтаў.
"У час кансультацый асаблівая ўвага будзе ўдзелена міжрэгіянальнаму супрацоўніцтву як асноўнай рухаючай сіле ў актывізацыі двухбаковых кантактаў і пашырэнні сумесных праектаў. Асобна будуць разгледжаны пытанні ўзаемадзеяння ў Еўразійскім эканамічным саюзе", - дадаў прэс-сакратар МЗС.-0-
