Мабільная версія
ДЗЯРЖОРГАНЫ

Апошнія навіны
Усе навіны

Беларусь гатова цесна ўзаемадзейнічаць з Татарстанам у нафтахіміі, АПК, будаўніцтве - Сямашка

Эканоміка 03.09.2019 | 12:41
Уладзімір Сямашка. Фота пасольства Беларусі ў Расіі
Уладзімір Сямашка. Фота пасольства Беларусі ў Расіі

3 верасня, Масква /Эдуард Півавар - БЕЛТА/. Беларускія прадпрыемствы гатовы да самага актыўнага ўдзелу ў пашырэнні кааперацыі з Татарстанам, рэалізацыі праграм імпартазамяшчэння, далейшым цесным узаемадзеянні ў сферах машынабудавання, нафтахіміі, АПК, будаўнічым комплексе і дарожна-транспартнай гаспадарцы. Аб гэтым заявіў пасол Беларусі ў Расіі Уладзімір Сямашка 2 верасня ў Казані на сустрэчы з Прэзідэнтам Татарстана Рустамам Мініханавым, паведамілі БЕЛТА ў прэс-службе беларускай дыпмісіі.

Уладзімір Сямашка выказаў удзячнасць Рустаму Мініханаву за асаблівую ўвагу, якую ён удзяляе пытанням супрацоўніцтва Татарстана і Беларусі. Паводле даных пасольства, у гэтым расійскім рэгіёне функцыянуюць зборачныя вытворчасці трактароў МТЗ, ліфтаў "Магілёўліфтмаша", працуюць чатыры прадпрыемствы з удзелам беларускага капіталу: ТАА "ГВК "МТЗ-Татарстан", ТАА "Амкадор-Бел", ТАА "Гандлёвы дом "Маладзечнамэбля", прадстаўніцтва холдынга "Пінскдрэў". Акрамя таго, арганізавана дылерская сетка "Гомсельмаша", МТЗ, "Магілёўліфтмаша", МАЗа, "Амкадора", Барысаўскага завода аўтатрактарнага электраабсталявання. Тавараабарот па выніках 2018 года склаў амаль $1,3 млрд (рост на 7,6 працэнта). Па гэтым паказчыку Татарстан займае 6-е месца сярод усіх 85 расійскіх рэгіёнаў.

Разам з тым пасол адзначыў, што ў студзені - чэрвені 2019 года дынаміка тавараабароту знізілася, але ў Беларусі і Татарстана ёсць усе патэнцыяльныя магчымасці для выхаду на ўзровень гандлю большы за $2 млрд у год. Асновай узаемадзеяння ён назваў супрацоўніцтва ў прамысловай сферы, ключавым напрамкам - кааперацыйнае супрацоўніцтва прадпрыемстваў нафтахімічнага комплексу, на долю якіх прыпадае больш за 70 працэнтаў узаемнага тавараабароту. Паспяхова развіваецца супрацоўніцтва ў сферы машынабудавання. Аграпрамысловы комплекс Татарстана амаль на 70 працэнтаў укамплектаваны трактарамі МТЗ. Больш за 60 працэнтаў кормаўборачных і 40 працэнтаў збожжаўборачных камбайнаў - тэхніка завода "Гомсельмаш". Парк пасажырскай тэхнікі Казані складаецца больш як на 50 працэнтаў з аўтобусаў МАЗ і трамваяў "Белкамунмаша".

Уладзімір Сямашка прапанаваў ініцыяваць разгляд пытання ў Міністэрстве прамысловасці і гандлю Расіі аб магчымасці ўключэння газавых і газадызельных трактароў МТЗ, газаматорных камбайнаў "Палессе" ў пералік газавай тэхнікі, што субсідзіруецца з расійскага федэральнага бюджэту. Ён ініцыяваў таксама разгляд магчымасці стварэння сумеснай вытворчасці па выпуску малагабарытнай камунальнай тэхнікі на базе шасі МАЗ для патрэб ЖКГ Татарстана. Пасол заявіў аб магчымасці беларускага боку нарасціць пастаўкі неабходнай мясцовым аграрыям сельгастэхнікі, у прыватнасці энерганасычаных трактароў, збожжаўборачных камбайнаў, і выказаў зацікаўленасць і гатоўнасць беларускіх вытворцаў павялічыць пастаўкі ліфтавага абсталявання, шырокага спектра будаўнічых і аддзелачных матэрыялаў, у тым ліку не выпускаемых у Татарстане.

"Беларусь - адзін з вядучых нашых замежных партнёраў, на працягу апошніх гадоў стабільна ўваходзіць у лік знешнегандлёвых лідараў па супрацоўніцтве з Татарстанам, - сказаў Рустам Мініханаў. - Дзейнічае міжурадавае пагадненне, падпісаны адпаведны план мерапрыемстваў па яго рэалізацыі, шэраг пратаколаў і дагавораў паміж міністэрствамі, гандлёва-прамысловымі палатамі, акадэміямі навук. Казань і Мінск - гарады-пабрацімы. У мінулым годзе ў Мінску прайшлі Дні Татарстана. Дні Беларусі ў нашай рэспубліцы ў адказ запланаваны на верасень наступнага года".

Кіраўнік Татарстана выказаўся за пашырэнне супрацоўніцтва ў машынабудаванні, высокіх тэхналогіях і іншых сферах. "У нас вялікі нераскрыты патэнцыял для ўзаемадзеяння, наша сумесная задача - выкарыстоўваць яго на карысць далейшага ўмацавання расійска-беларускіх адносін", - падкрэсліў ён.

Уладзімір Сямашка і Рустам Мініханаў прынялі ўдзел у Татарстанскім нафтагазахімічным форуме, азнаёміліся з аб'яднаным стэндам прадпрыемстваў канцэрна "Белнафтахім". Таксама пасол наведаў пасажырскае транспартнае прадпрыемства нумар 2, дзе сустрэўся з кіраўніцтвам казанскіх аўтаперавозчыкаў, і правёў рабочую нараду па пытаннях дзейнасці ТАА "ГВК МТЗ-Татарстан".-0-

Фота пасольства Беларусі ў Расіі

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Змяненне меж Мінска У мэтах развіцця тэрыторыі, што прылягае да Нацыянальнага аэрапорта Мінск, змяняюцца межы Мінска і Смалявіцкага раёна Мінскай вобласці.