24 студзеня, Мінск /Кар. БЕЛТА/. Нацыянальны стэнд Беларусі прадстаўлены на міжнароднай турыстычнай выстаўцы FITUR, якая праходзіць у Мадрыдзе 23-27 студзеня. Аб гэтым БЕЛТА паведамілі ў пасольстве Беларусі ў Іспаніі.
У дыпмісіі расказалі, што Беларусь удзельнічае ў выстаўцы другі год запар, а адным з галоўных элементаў нацыянальнага стэнда стала тэматыка II Еўрапейскіх гульняў.
Міжнародная турыстычная выстаўка FITUR - адна з самых буйных у свеце. У 2018 годзе на ёй былі прадстаўлены больш за 10 тыс. кампаній са 165 краін, а ўсяго выстаўку наведалі звыш 140 тыс.чалавек.-0-
Фота пасольства Беларусі ў Іспаніі
