29 чэрвеня, Мінск /Кар. БЕЛТА/. Беларусь будзе выконваць даўгавыя абавязацельствы па еўрабондах у нацыянальнай валюце. Адпаведную пастанову прынялі Савет Міністраў і Нацыянальны банк, паведамілі БЕЛТА ў прэс-службе ўрада.
"Выкананне даўгавых абавязацельстваў па дзяржаўных каштоўных паперах, размешчаных на знешніх фінансавых рынках, будзе праводзіцца ў беларускіх рублях па курсе Нацыянальнага банка на дату плацяжу", - сказалі ў прэс-службе.
Ва ўрадзе падкрэслілі, што гэта рашэнне з'яўляецца вымушанай мерай. Яно звязана з немагчымасцю плацежнага агента і іншых удзельнікаў міжнароднай разлікова-клірынгавай сістэмы гарантаваць паўнату і своечасовасць пералічэння сродкаў усім трымальнікам еўрааблігацый.
Паводле слоў прэс-службы, гэта пацвярджаюць факты неатрымання асобнымі ўладальнікамі купоннага даходу па еўрааблігацыях, пералічанага Міністэрствам фінансаў Беларусі ў лютым 2022 года.
Як праінфармавалі ва ўрадзе, у прынятым дакуменце таксама прадугледжаны і іншыя формы разлікаў. Растлумачэнні па пастанове дасць Міністэрства фінансаў.-0-
