7 мая, Мінск /Кар. БЕЛТА/. Беларусь абмяжоўвае ўвоз птушкі з медзье Бекеш (Венгрыя) з-за птушынага грыпу. Такая інфармацыя размешчана на сайце Дэпартамента ветэрынарнага і харчовага нагляду Мінсельгасхарча, паведамляе БЕЛТА.
Паводле даных Сусветнай арганізацыі аховы здароўя жывёл, на тэрыторыі медзье Бекеш зарэгістраваны выпадкі захворвання птушак на высокапатагенны грып. У сувязі з гэтым з 8 мая ўводзяцца часовыя абмежаванні на ўвоз у Беларусь з гэтага рэгіёна жывой птушкі, інкубацыйных яек, мяса птушкі, яечнага парашку, меланжу, альбуміну і іншых харчовых прадуктаў перапрацоўкі курыных яек, пуху і пер'я, паляўнічых трафеяў (дзікіх птушак), іншай прадукцыі.
Прыпыняюцца ўсе раней выдадзеныя дазволы на ўвоз названых тавараў у Беларусь з медзье Бекеш.
У дэпартаменце інфармуюць аб неабходнасці прыняць дадатковыя меры па біялагічнай ахове птушкагадоўчых аб'ектаў усіх форм уласнасці.
Грып птушак - кантагіёзная хвароба, якая характарызуецца прыгнечаннем, ацёкамі, пашкоджаннем органаў дыхання, стрававання. Эканамічны ўрон ад яго вялікі ў сувязі з масавай гібеллю хворых птушак, неабходнасцю строгіх каранцінных і ветэрынарна-санітарных мерапрыемстваў, уключаючы знішчэнне хворай птушкі.-0-
