Фота з архіва
28 чэрвеня, Віцебск /Кар. БЕЛТА/. Супрацоўніцтва Беларусі і Расіі ў энергетычнай галіне мае ўсёабдымны стратэгічны характар, заявіў міністр энергетыкі Віктар Каранкевіч у час пленарнага пасяджэння на тэму "Роля міжрэгіянальнага супрацоўніцтва ў пабудове інавацыйнай эканомікі Саюзнай дзяржавы", перадае карэспандэнт БЕЛТА.
"Супрацоўніцтва Беларусі і Расіі ў энергетычнай галіне мае ўсёабдымны стратэгічны характар, забяспечвае ўстойлівае развіццё нацыянальных эканомік, умацаванне энергетычнага суверэнітэту і тэхналагічнага патэнцыялу Саюзнай дзяржавы, - сказаў Віктар Каранкевіч. - Нягледзячы на нарастаючы санкцыйны націск і знешнія абмежаванні, паліўна-энергетычныя комплексы Беларусі і Расіі працуюць стабільна, у поўным аб'ёме забяспечваючы спажыўцоў энергарэсурсамі. Рэалізуюцца сумесныя інавацыйныя праекты па ключавых напрамках энергетыкі. Самым маштабным з іх стала будаўніцтва Беларускай атамнай станцыі, якая адкрыла новую вяху ў гісторыі беларуска-расійскіх адносін".
Станцыя пабудавана сумесна з дзяржкарпарацыяй "Расатам" па праекце "АЭС-2006" з вода-вадзянымі рэактарамі пакалення "3+" - з павышанымі характарыстыкамі бяспекі. "Праект аб'яднаў навуковыя і інжынерныя школы, дзясяткі прадпрыемстваў і тысячы спецыялістаў нашых краін, стаў магутным імпульсам для шырокага ўкаранення найноўшых тэхналогій у энергетыцы і сумежных галінах. Фактычна ў нашай краіне створана новая галіна эканомікі - атамная індустрыя", - адзначыў міністр.
"БелАЭС працуе ўжо на эканоміку краіны і прыносіць значны эфект. З моманту ўключэння ў аб'яднаную энергасістэму першага энергаблока (3 лістапада 2020 года. - Заўвага. БЕЛТА) Станцыя сумарна выпрацавала 31,5 млрд кВт.гадз электраэнергіі, што дазволіла замясціць больш за 8 млрд куб.м прыроднага газу, - дапоўніў Віктар Каранкевіч. - Станцыя стала сур'ёзным імпульсам для развіцця ў рэспубліцы электрасеткавай інфраструктуры. За 2023 год аб'ёмы будаўніцтва і рэканструкцыі электрасетак у краіне выраслі ў 1,7 раза ў параўнанні з 2022 годам. Актыўна вядзецца работа па мадэрнізацыі падстанцый. Асаблівая ўвага ўдзяляецца лічбавізацыі аб'ектаў энергасістэмы, павышэнню якасці кіравання электрасеткавым комплексам, распрацоўцы айчыннага праграмнага забеспячэння. Для шырокага ўкаранення лічбавых рашэнняў прыняты ведамасныя праграмы, створаны галіновыя цэнтры кампетэнцыі. У рамках сумесных рабочых груп з расійскімі калегамі адпрацоўваюцца комплексныя меры па зніжэнні залежнасці ПЭК ад імпартнага абсталявання, тэхналогій і праграмных сродкаў".-0-
"Супрацоўніцтва Беларусі і Расіі ў энергетычнай галіне мае ўсёабдымны стратэгічны характар, забяспечвае ўстойлівае развіццё нацыянальных эканомік, умацаванне энергетычнага суверэнітэту і тэхналагічнага патэнцыялу Саюзнай дзяржавы, - сказаў Віктар Каранкевіч. - Нягледзячы на нарастаючы санкцыйны націск і знешнія абмежаванні, паліўна-энергетычныя комплексы Беларусі і Расіі працуюць стабільна, у поўным аб'ёме забяспечваючы спажыўцоў энергарэсурсамі. Рэалізуюцца сумесныя інавацыйныя праекты па ключавых напрамках энергетыкі. Самым маштабным з іх стала будаўніцтва Беларускай атамнай станцыі, якая адкрыла новую вяху ў гісторыі беларуска-расійскіх адносін".
Станцыя пабудавана сумесна з дзяржкарпарацыяй "Расатам" па праекце "АЭС-2006" з вода-вадзянымі рэактарамі пакалення "3+" - з павышанымі характарыстыкамі бяспекі. "Праект аб'яднаў навуковыя і інжынерныя школы, дзясяткі прадпрыемстваў і тысячы спецыялістаў нашых краін, стаў магутным імпульсам для шырокага ўкаранення найноўшых тэхналогій у энергетыцы і сумежных галінах. Фактычна ў нашай краіне створана новая галіна эканомікі - атамная індустрыя", - адзначыў міністр.
"БелАЭС працуе ўжо на эканоміку краіны і прыносіць значны эфект. З моманту ўключэння ў аб'яднаную энергасістэму першага энергаблока (3 лістапада 2020 года. - Заўвага. БЕЛТА) Станцыя сумарна выпрацавала 31,5 млрд кВт.гадз электраэнергіі, што дазволіла замясціць больш за 8 млрд куб.м прыроднага газу, - дапоўніў Віктар Каранкевіч. - Станцыя стала сур'ёзным імпульсам для развіцця ў рэспубліцы электрасеткавай інфраструктуры. За 2023 год аб'ёмы будаўніцтва і рэканструкцыі электрасетак у краіне выраслі ў 1,7 раза ў параўнанні з 2022 годам. Актыўна вядзецца работа па мадэрнізацыі падстанцый. Асаблівая ўвага ўдзяляецца лічбавізацыі аб'ектаў энергасістэмы, павышэнню якасці кіравання электрасеткавым комплексам, распрацоўцы айчыннага праграмнага забеспячэння. Для шырокага ўкаранення лічбавых рашэнняў прыняты ведамасныя праграмы, створаны галіновыя цэнтры кампетэнцыі. У рамках сумесных рабочых груп з расійскімі калегамі адпрацоўваюцца комплексныя меры па зніжэнні залежнасці ПЭК ад імпартнага абсталявання, тэхналогій і праграмных сродкаў".-0-
