17 сакавіка, Мінск /Кар. БЕЛТА/. Адбылася рабочая сустрэча начальніка Беларускай чыгункі Уладзіміра Марозава з начальнікам Прыволжскай чыгункі - філіяла ААТ "РЧ" Сяргеем Альмеевым, паведамілі БЕЛТА ў прэс-цэнтры БЧ.
Бакі абмеркавалі ўзаемадзеянне ў сферы перавозак грузаў па міжнародным транспартным калідоры Поўнач - Поўдзень. Было адзначана, што попыт на перавозкі грузаў у гэтым напрамку з кожным годам узрастае. Павялічваюцца аб'ёмы перавезеных грузаў як па сухапутным маршруце калідора Поўнач - Поўдзень, так і з выкарыстаннем партовай інфраструктуры Каспійскага мора, прапрацоўваюцца новыя эфектыўныя транспартна-лагістычныя схемы і ўмовы перавозак.
У сувязі з гэтым абылося абмеркаванне пытанняў развіцця чыгуначнай і партовай інфраструктуры, а таксама далейшыя перспектывы арганізацыі перавозак беларускай экспартнай прадукцыі ў рамках міжнароднага транспартнага калідора "Поўнач - Поўдзень" ва ўмовах фарміравання беларускімі грузаўладальнікамі новых транспартна-лагістычных схем транспарціроўкі грузаў.
Начальнік БЧ запрасіў расійскага калегу прыняць удзел у міжнароднай канферэнцыі "2023. Чыгуначная лагістыка: актуальныя задачы развіцця", якую 30 сакавіка БЧ пры падтрымцы Міністэрства транспарту і камуніцый арганізуе ў Мінску.-0-
