22 верасня, Мінск /Кар. БЕЛТА/. У сельскагаспадарчых арганізацыях краіны эксплуатуюцца звыш 216 тыс. адзінак тэхнікі і абсталявання (87 працэнтаў - айчынных заводаў), якія забяспечваюць увесь комплекс палявых работ у агратэхнічныя тэрміны. Аб гэтым заявіў міністр сельскай гаспадаркі і харчавання Сяргей Барташ у інтэрв'ю часопісу "Экономика Беларуси".
"Доля імпартных трактароў усяго 4 працэнты, збожжаўборачных камбайнаў - 13 працэнтаў, кормаўборачных - 21 працэнт. Залежнасці ад імпарту няма, да загранічнай тэхнікі сэрвісныя арганізацыі наладзілі выпуск запасных частак, вузлоў і агрэгатаў (больш за 600 найменняў)", - прыводзіць лічбы субяседнік.
Прынцыповае адрозненне машын для дакладнага земляробства - высокая ступень электрыфікацыі сістэм кіравання і прыводаў рабочых органаў. Напрыклад, на поле выходзіць "Беларус" (ААТ "Мінскі трактарны завод") з бартавым камп'ютарам, які забяспечвае аўтаматычнае кіраванне яго рухам пры выкананні работ. Збожжаўборачныя камбайны ААТ "Гомсельмаш" маюць сістэмы маніторынгу ўраджайнасці і забеспячэння руху па зададзеным маршруце ў беспілотным рэжыме. Машыны з сістэмай дыферэнцыраванага ўнясення ўгнаенняў РМУ-8000 пастаўляе ААТ "Шчучынскі рамонтны завод", ААТ "Лідаграпраммаш" выпускае апырсквальнікі ОВС-4224 з такой жа функцыяй. Практыка паказвае, што дыферэнцыраванае ўнясенне ўгнаенняў у спалучэнні з сістэмай карціравання палёў зніжае затраты на 23 працэнты.
Комлексная рэалізацыя прыёмаў дакладнага земляробства можа быць забяспечана толькі аб'яднаннем у сістэму машын і абсталявання, працуючую як адзіны праграмна-апаратны комплекс.
Поўны тэкст інтэрв'ю чытайце ў часопісе "Экономика Беларуси".-0-
