Фота з архіва
1 красавіка, Мінск /Кар. БЕЛТА/. Банк развіцця ў 2023 годзе павялічыў фінансаванне эканомікі амаль на чвэрць, паведамілі карэспандэнту БЕЛТА ў прэс-службе банка па выніках сумеснага пасяджэння наглядальнага савета і агульнага сходу акцыянераў.
Першы намеснік старшыні праўлення банка Раман Бродаў падкрэсліў, што дзейнасць Банка развіцця накіравана на вырашэнне задач, пастаўленых кіраўніком дзяржавы і ўрадам. "У мінулым годзе банкам выкананы ўсе паказчыкі, устаноўленыя наглядальным саветам. Пры гэтым акрамя выканання колькасных параметраў дзейнасці банк вырашаў якасныя задачы, накіраваныя на ўсебаковую падтрымку эканомікі. Па выніках мінулага года агульны аб'ём фінансавання эканомікі вырас на 24 працэнты, а яго суадносіны да ВУП павялічыліся з 4,8 працэнта да 5,4 працэнта", - сказаў ён.
Асноўнымі напрамкамі дзейнасці Банка развіцця ў 2023 годзе сталі інвестыцыі, экспарт і падтрымка малога і сярэдняга прадпрымальніцтва. На фінансаванне інвестыцыйных праектаў банкам накіравана на 13 працэнтаў больш планавага параметра. У 1,5 раза вырас сегмент камерцыйных інвестыцыйных праектаў. Плануецца, што ў бягучым годзе найбольш маштабным напрамкам фінансавання інвестыцыйных праектаў стане інфраструктура.
У 2023 годзе Банк прадастаўляў экспартныя крэдыты як рэзідэнтам Беларусі для вытворчасці тавараў, работ, паслуг і далейшай іх рэалізацыі на знешнія рынкі, так і непасрэдна крэдытаатрымальнікам-нерэзідэнтам для аплаты беларускіх тавараў і паслуг. Прырост экспартнага крэдытнага партфеля банка склаў 65 працэнтаў. У адпаведнасці з указам нумар 534 банк аказаў экспартную падтрымку больш як 100 крэдытаатрымальнікам для фінансавання паставак на экспарт больш як 100 найменняў тавараў. "Ключавым вынікам экспартнай падтрымкі мы лічым мэтанакіраванае структураванне здзелак з характэрным почыркам Банка развіцця, які арыентаваны на дасягненне мэт сацыяльна-эканамічнага развіцця. Гэта максімізацыя эфекту пры мінімальным укладанні рэсурсаў", - заявіў Раман Бродаў.
Таксама першы намеснік старшыні праўлення ўдзяліў асобную ўвагу рабоце з невялікімі арганізацыямі і прадпрыемствамі, для якіх дзяржаўная падтрымка з'яўляецца значнай падмогай у развіцці. "Кожны дзясяты рубель у доўгатэрміновым крэдытным партфелі банкаў, сфарміраваным сектарам малога і сярэдняга прадпрымальніцтва, - рэсурсы Банка развіцця", - адзначыў Раман Бродаў.
У структуры аказанай падтрымкі МСП дзве трэці прафінансаваных праектаў - інвестыцыйныя, 86 працэнтаў якіх рэалізуюцца ў сферы вытворчасці. Каля 40 працэнтаў праектаў прыпадае на раёны з недастатковым узроўнем сацыяльна-эканамічнага развіцця. Вынік падтрымкі МСП такі, што па групе фінансуемых арганізацый сярэднегадавыя тэмпы прыросту па колькасці занятых складаюць 12 працэнтаў, а па выручцы - 39 працэнтаў. Гэта істотна вышэй за тэмпы росту аналагічных паказчыкаў у сярэднім па ўсім сектары МСП.
У бягучым годзе будзе прадоўжана напружаная работа па аказанні ўсебаковай падтрымкі эканоміцы краіны. "Хацелася б адзначыць, што дасягнутыя паказчыкі дзейнасці ў 2023 годзе - вынік работы каманды банка пад кіраўніцтвам Аляксандра Ягорава і падтрымкі з боку органаў дзяржаўнага кіравання, якія садзейнічаюць нам у вырашэнні нестандартных задач", - рэзюмаваў Раман Бродаў.
У ходзе сумеснага пасяджэння ўдакладнены задачы, сфарміраваны новыя склады наглядальнага савета Банка развіцця і ўтвораных пры ім камітэтаў.-0-
Першы намеснік старшыні праўлення банка Раман Бродаў падкрэсліў, што дзейнасць Банка развіцця накіравана на вырашэнне задач, пастаўленых кіраўніком дзяржавы і ўрадам. "У мінулым годзе банкам выкананы ўсе паказчыкі, устаноўленыя наглядальным саветам. Пры гэтым акрамя выканання колькасных параметраў дзейнасці банк вырашаў якасныя задачы, накіраваныя на ўсебаковую падтрымку эканомікі. Па выніках мінулага года агульны аб'ём фінансавання эканомікі вырас на 24 працэнты, а яго суадносіны да ВУП павялічыліся з 4,8 працэнта да 5,4 працэнта", - сказаў ён.
Асноўнымі напрамкамі дзейнасці Банка развіцця ў 2023 годзе сталі інвестыцыі, экспарт і падтрымка малога і сярэдняга прадпрымальніцтва. На фінансаванне інвестыцыйных праектаў банкам накіравана на 13 працэнтаў больш планавага параметра. У 1,5 раза вырас сегмент камерцыйных інвестыцыйных праектаў. Плануецца, што ў бягучым годзе найбольш маштабным напрамкам фінансавання інвестыцыйных праектаў стане інфраструктура.
У 2023 годзе Банк прадастаўляў экспартныя крэдыты як рэзідэнтам Беларусі для вытворчасці тавараў, работ, паслуг і далейшай іх рэалізацыі на знешнія рынкі, так і непасрэдна крэдытаатрымальнікам-нерэзідэнтам для аплаты беларускіх тавараў і паслуг. Прырост экспартнага крэдытнага партфеля банка склаў 65 працэнтаў. У адпаведнасці з указам нумар 534 банк аказаў экспартную падтрымку больш як 100 крэдытаатрымальнікам для фінансавання паставак на экспарт больш як 100 найменняў тавараў. "Ключавым вынікам экспартнай падтрымкі мы лічым мэтанакіраванае структураванне здзелак з характэрным почыркам Банка развіцця, які арыентаваны на дасягненне мэт сацыяльна-эканамічнага развіцця. Гэта максімізацыя эфекту пры мінімальным укладанні рэсурсаў", - заявіў Раман Бродаў.
Таксама першы намеснік старшыні праўлення ўдзяліў асобную ўвагу рабоце з невялікімі арганізацыямі і прадпрыемствамі, для якіх дзяржаўная падтрымка з'яўляецца значнай падмогай у развіцці. "Кожны дзясяты рубель у доўгатэрміновым крэдытным партфелі банкаў, сфарміраваным сектарам малога і сярэдняга прадпрымальніцтва, - рэсурсы Банка развіцця", - адзначыў Раман Бродаў.
У структуры аказанай падтрымкі МСП дзве трэці прафінансаваных праектаў - інвестыцыйныя, 86 працэнтаў якіх рэалізуюцца ў сферы вытворчасці. Каля 40 працэнтаў праектаў прыпадае на раёны з недастатковым узроўнем сацыяльна-эканамічнага развіцця. Вынік падтрымкі МСП такі, што па групе фінансуемых арганізацый сярэднегадавыя тэмпы прыросту па колькасці занятых складаюць 12 працэнтаў, а па выручцы - 39 працэнтаў. Гэта істотна вышэй за тэмпы росту аналагічных паказчыкаў у сярэднім па ўсім сектары МСП.
У бягучым годзе будзе прадоўжана напружаная работа па аказанні ўсебаковай падтрымкі эканоміцы краіны. "Хацелася б адзначыць, што дасягнутыя паказчыкі дзейнасці ў 2023 годзе - вынік работы каманды банка пад кіраўніцтвам Аляксандра Ягорава і падтрымкі з боку органаў дзяржаўнага кіравання, якія садзейнічаюць нам у вырашэнні нестандартных задач", - рэзюмаваў Раман Бродаў.
У ходзе сумеснага пасяджэння ўдакладнены задачы, сфарміраваны новыя склады наглядальнага савета Банка развіцця і ўтвораных пры ім камітэтаў.-0-
