Фота з архіва
26 сакавіка, Мінск /Кар. БЕЛТА/. Банк развіцця павялічыў фінансавую падтрымку эканомікі на 40 працэнтаў у мінулым годзе. Аб гэтым паведаміў старшыня праўлення Банка развіцця Сяргей Сталярчук у час сумеснага пасяджэння наглядальнага савета і агульнага сходу акцыянераў у банку. Асноўная тэматыка мерапрыемства - падвядзенне вынікаў работы фінансавага інстытута ў 2024 годзе і выбранне органаў кіравання, перадае карэспандэнт БЕЛТА.
Сяргей Сталярчук расказаў, што ў параўнанні з 2023 годам фінансавая падтрымка эканомікі Банкам развіцця павялічылася на 40 працэнтаў і склала больш за Br16 млрд.Паводле яго слоў, разам з колькасным выкананнем паказчыкаў фінансавы інстытут прадоўжыў павышаць сваю эфектыўнасць.
"Валавы аб'ём фінансавання інвестыцыйных праектаў за мінулы год павялічыўся на чвэрць, а колькасць новых праектаў узрасла ў два разы. У 2025 годзе банк накіраваны на далейшае выкананне пастаўленай наглядальным саветам задачы па канцэнтрацыі фінансавай падтрымкі на інвестпраектах. У сувязі з гэтым у бягучым годзе запланаваны прырост падтрымкі па гэтым напрамку на 12 працэнтаў", - адзначыў кіраўнік Банка развіцця.
Акцэнт будзе зроблены і на камерцыйных інвестыцыйных праектах. У планах - іх прырост на 20 працэнтаў і рэалізацыя больш як 60 праектаў прамысловай і сельскагаспадарчай накіраванасці ва ўсіх рэгіёнах Беларусі. З іх звыш трэці праектаў - абсалютна новыя.
Акрамя таго, Сяргей Сталярчук расказаў, што аб'ёмы экспартных крэдытаў, выдадзеных банкам развіцця ў 2024 годзе, выраслі больш як у 1,5 раза, а аддача ад іх - на 50 працэнтаў. У 2025 годзе аб'ём экспартнага фінансавання Банкам развіцця плануецца павялічыць не менш як на 16 працэнтаў.
Падтрымка малога і сярэдняга прадпрымальніцтва прадоўжыцца з улікам выбудаваных прыярытэтаў і дапоўніцца новымі задачамі. У мінулым годзе крэдытны партфель гэтага сегмента бізнесу павялічыўся на 20 працэнтаў. У планах - запусціць новыя праграмы фінансавання сумесна з Беларускім фондам фінансавай падтрымкі прадпрымальнікаў і ўвесці ў эксплуатацыю лічбавую платформу падтрымкі МСП.
"Дынаміка выканання ключавых задач, пастаўленых перад Банкам развіцця на 2025 год, па выніках першага квартала супастаўная з папярэднім годам, што сведчыць аб захаванні трэнда па безумоўным іх выкананні", - рэзюмаваў старшыня праўлення.-0-
Сяргей Сталярчук расказаў, што ў параўнанні з 2023 годам фінансавая падтрымка эканомікі Банкам развіцця павялічылася на 40 працэнтаў і склала больш за Br16 млрд.Паводле яго слоў, разам з колькасным выкананнем паказчыкаў фінансавы інстытут прадоўжыў павышаць сваю эфектыўнасць.
Акцэнт будзе зроблены і на камерцыйных інвестыцыйных праектах. У планах - іх прырост на 20 працэнтаў і рэалізацыя больш як 60 праектаў прамысловай і сельскагаспадарчай накіраванасці ва ўсіх рэгіёнах Беларусі. З іх звыш трэці праектаў - абсалютна новыя.
Акрамя таго, Сяргей Сталярчук расказаў, што аб'ёмы экспартных крэдытаў, выдадзеных банкам развіцця ў 2024 годзе, выраслі больш як у 1,5 раза, а аддача ад іх - на 50 працэнтаў. У 2025 годзе аб'ём экспартнага фінансавання Банкам развіцця плануецца павялічыць не менш як на 16 працэнтаў.
Падтрымка малога і сярэдняга прадпрымальніцтва прадоўжыцца з улікам выбудаваных прыярытэтаў і дапоўніцца новымі задачамі. У мінулым годзе крэдытны партфель гэтага сегмента бізнесу павялічыўся на 20 працэнтаў. У планах - запусціць новыя праграмы фінансавання сумесна з Беларускім фондам фінансавай падтрымкі прадпрымальнікаў і ўвесці ў эксплуатацыю лічбавую платформу падтрымкі МСП.
"Дынаміка выканання ключавых задач, пастаўленых перад Банкам развіцця на 2025 год, па выніках першага квартала супастаўная з папярэднім годам, што сведчыць аб захаванні трэнда па безумоўным іх выкананні", - рэзюмаваў старшыня праўлення.-0-
Падпісвайцеся на нас у
