Сцяг Аўторак, 19 сакавіка 2024
Усе навіны
Усе навіны
Эканоміка
13 лістапада 2019, 15:32

Банк развіцця Беларусі прапрацоўвае канцэпцыю венчурнага фонду ранніх стадый інвесціравання

13 лістапада, Мінск /Кар. БЕЛТА/. Банк развіцця Беларусі прапрацоўвае канцэпцыю фарміравання венчурнага фонду ранніх стадый інвесціравання. Аб гэтым сёння журналістам паведаміў старшыня праўлення БРРБ Андрэй Жышкевіч, перадае карэспандэнт БЕЛТА.

Андрэй Жышкевіч адзначыў, што ў Беларусі ўжо ёсць бізнес-інкубатары, акселерацыйныя праграмы, інвест-фонды. Задача БРРБ у тым, каб дапамагчы гэтаму рынку сфарміравацца. "Мы цяпер актыўна прапрацоўваем канцэпцыю фарміравання венчурнага фонду ранніх стадый інвесціравання", - сказаў старшыня праўлення.

Неабходна, каб на рынку пачыналі інвесціраваць паўнацэнныя венчурныя капіталісты, лічыць Андрэй Жышкевіч. Такія фонды могуць прыходзіць з-за мяжы, але важна, каб такімі капіталістамі станавіліся беларускія інвестары. Паводле слоў старшыні праўлення, гэты сегмент высокарызыкоўны. Статыстыка сведчыць, што 80-90 працэнтаў стартапаў аказваюцца нежыццяздольнымі, затое астатнія 10 працэнтаў абяцаюць прывабны каэфіцыент на выхадзе.

Як расказаў у сваю чаргу намеснік міністра эканомікі Дзмітрый Матусевіч, у Беларусі плануецца абнавіць закон аб дзяржаўнай падтрымцы прадпрымальніцтва. Для распрацоўкі канцэпцыі вывучаюцца меркаванні бізнес-саюзаў, вядучых экспертаў. Мінэканомікі разаслала анкеты з падрабязным апісаннем усіх элементаў дзеючай і перспектыўнай сістэмы падтрымкі бізнесу.

Банк развіцця і Мінэканомікі - у ліку партнёраў Сусветнага тыдня прадпрымальніцтва, які пройдзе 18-24 лістапада ў Мінску і Брэсце. Сярод асноўных падзей - IX Міжнародны форум прадпрымальніцтва, што адбудзецца 19 лістапада ў Мінску, і першы Рэгіянальны форум прадпрымальніцтва (пройдзе 21 лістапада ў Брэсце). Таксама адбудуцца канферэнцыі FinTech Day, Investor's Factory, спаборніцтва стартапаў Belbiz Battle, узнагароджванне лепшага ментара 2019 года. БРРБ прадставіць сваю праграму падтрымкі малога і сярэдняга бізнесу, узнагародзіць лепшыя банкі-партнёры.

Сусветны тыдзень прадпрымальніцтва (GEW) - гэта глабальная ініцыятыва, якая праходзіць у адзін і той жа час у 170 краінах свету ў мэтах пашырэння іміджу прадпрымальніцтва, развіцця дзелавога супрацоўніцтва і пошуку новых ідэй. Афіцыйным прадстаўніком GEW у Беларусі з'яўляецца Цэнтр дзелавых камунікацый "Белбіз". Партнёрамі Сусветнага тыдня прадпрымальніцтва ў Беларусі акрамя БРРБ сталі Агенцтва ЗША па міжнародным развіцці USAID, Міжнародная фінансавая карпарацыя (IFC), пасольства Вялікабрытаніі ў Беларусі, Белаграпрамбанк, Банк БелВЭБ і праект па развіцці мясцовых ініцыятыў ПРААН.-0-

Падпісвайцеся на нас у
Twitter
Топ-навіны
Свежыя навіны Беларусі