Сцяг Пятніца, 29 сакавіка 2024
Усе навіны
Усе навіны
Эканоміка
07 сакавіка 2023, 17:04

Багданаў: запатрабаванасць беларускай прадукцыі на ўнутраным рынку высокая

7 сакавіка, Мінск /Кар. БЕЛТА/. Запатрабаванасць беларускай прадукцыі на ўнутраным рынку высокая. Аб гэтым расказаў міністр антыманапольнага рэгулявання і гандлю Аляксей Багданаў пасля нарады па пытаннях развіцця цяплічнай вытворчасці ў ААТ "ДарОрс", перадае карэспандэнт БЕЛТА.

Паводле слоў Аляксея Багданава, высокая запатрабаванасць беларускай прадукцыі на ўнутраным рынку звязана з двума фактарамі. "Па-першае, яна часта таннейшая. Па-другое, беларуская прадукцыя мае вельмі высокі статус не толькі за мяжой, але і ўнутры краіны. Калі мы павялічым аб'ёмы вытворчасці агуркоў і памідораў у міжсезонны перыяд і будзем менш завозіць па імпарце, то тавар будуць купляць яшчэ з большым задавальненнем, паколькі давер да нашага вытворцы вышэйшы", - адзначыў міністр.

У зімовы перыяд штогод назіраецца рост кошту агародніны закрытага грунту (у цяпліцах), таму што павышаюцца затраты на яе вытворчасць, падкрэсліў ён. "Тут патрэбны газ, ацяпленне, таму сабекошт расце, - сказаў Аляксей Багданаў. - У бягучым сезоне кошт агародніны ўзрос у тым ліку з-за таго, што мы не маглі завозіць прадукцыю з іншых краін (ЕС, Турцыя). Адзіны рынак, адкуль можна было прывезці агуркі ў гэтым сезоне, - Расія, але там няма рэгулявання цэн. Кан'юнктура адыграла сваё, і кошт у цэлым вырас".

Паводле яго слоў, вельмі добрую канкурэнцыю імпартным агуркам склалі беларускія, якія былі практычна ў два разы таннейшыя. "Калі мы будзем вырошчваць больш нашых агуркоў, то заўсёды зможам збалансаваць іх кошт на ўнутраным рынку і дабіцца рэальных справядлівых канкурэнтных цэн", - рэзюмаваў міністр.-0-

Падпісвайцеся на нас у
Twitter
Топ-навіны
Свежыя навіны Беларусі