9 кастрычніка, Гомельскі раён /Кар. БЕЛТА/. Ліцэнзаванне экспарту плодаагародніннай прадукцыі ўводзіцца, каб выключыць некантралюемы яе вываз. Акцэнт на гэтым у размове з журналістамі зрабіў міністр антыманапольнага рэгулявання і гандлю Аляксей Багданаў па выніках рабочай сустрэчы з гандлёвымі сеткамі і вытворцамі плодаагародніннай прадукцыі па забеспячэнні ёю ўнутранага спажывецкага рынку. Сустрэча прайшла на базе КСУП "Брылёва" Гомельскага раёна, перадае карэспандэнт БЕЛТА.
"Прапрацоўваецца пытанне па ўвядзенні ліцэнзавання на вываз, на экспарт капусты, цыбулі і яблыкаў. З чым гэта звязана? Прагназуецца, што гэтага тавару можа не хапіць да канца міжсезоннага перыяду (у выпадку бескантрольнага вывазу. - Заўвага БЕЛТА), паколькі сёння ёсць павышаны попыт на экспартным напрамку, у Расійскай Федэрацыі. І цэны там у нейкай меры вышэйшыя, чым тут, на ўнутраным рынку", - расказаў міністр.
"Таму, каб не было некантралюемага вывазу і быў забяспечаны ўнутраны рынак у першую чаргу, плануецца ўвядзенне механізма ліцэнзавання", - дадаў Аляксей Багданаў.
"Прапрацоўваецца пытанне па ўвядзенні ліцэнзавання на вываз, на экспарт капусты, цыбулі і яблыкаў. З чым гэта звязана? Прагназуецца, што гэтага тавару можа не хапіць да канца міжсезоннага перыяду (у выпадку бескантрольнага вывазу. - Заўвага БЕЛТА), паколькі сёння ёсць павышаны попыт на экспартным напрамку, у Расійскай Федэрацыі. І цэны там у нейкай меры вышэйшыя, чым тут, на ўнутраным рынку", - расказаў міністр.
"Таму, каб не было некантралюемага вывазу і быў забяспечаны ўнутраны рынак у першую чаргу, плануецца ўвядзенне механізма ліцэнзавання", - дадаў Аляксей Багданаў.
Паводле яго слоў, гэта зробіць экспарт кіруемым і будзе захаваны неабходны аб'ём для ўнутранага рынку. "А ўсё, што будзе залішняе, ужо (зможа быць. - Заўвага БЕЛТА) пастаўлена на экспарт", - дадаў кіраўнік МАРГ.-0-
Фота Сяргея Халадзіліна
Падпісвайцеся на нас у
