20 кастрычніка, Мінск /Кар. БЕЛТА/. Аўтамабільнае паліва ў Беларусі з 20 кастрычніка даражэе на 1 капейку, паведамляе БЕЛТА са спасылкай на сайт канцэрна "Белнафтахім".
"Канцэрнам "Белнафтахім" прынята рашэнне аб павелічэнні гранічных максімальных рознічных цэн на паліва. З 20 кастрычніка цана бензіну АІ-92-К5-Еўра складзе Br1,69, АІ-95-К5-Еўра - Br1,79, АІ-98-К5-Еўра - Br2,01, ДП - Br1,79", - паведамілі ў "Белнафтахіме".
У канцэрне адзначылі, што ўзровень цэн на маторнае паліва ў Беларусі ў бягучым годзе прадаўжае заставацца ніжэйшым, чым у сумежных дзяржавах, на 15-46 працэнтаў і вышэйшым на 16 працэнтаў, чым у Расіі, дзе прымяняецца дэмпфіруючы механізм цэнаўтварэння.
"Канцэрн захоўвае стратэгію паэтапнай карэкціроўкі цэн на маторнае паліва, якая дала магчымасць не дапусціць рэзкіх цэнавых ваганняў і скачкоў у перыяд пасяўной і ўборачнай кампаній. Таксама максімальна рэалізаваны магчымасці па іх стрымліванні без урону для эканомікі прадпрыемстваў нафтаперапрацоўкі, нягледзячы на негатыўны ўплыў знешніх эканамічных фактараў", - дадалі ў "Белнафтахіме".-0-
