19 красавіка, Мінск /Кар. БЕЛТА/. Аўтамабільнае паліва падаражэе з 20 красавіка на адну капейку. Адпаведная інфармацыя апублікавана на сайце "Белнафтахіма", паведамляе БЕЛТА.
"У красавіку 2021 года сярэдняя каціроўка нафты павялічылася адносна студзеня бягучага года на 15 працэнтаў. Рост цаны на маторнае паліва з пачатку года склаў 5,4 працэнта", - адзначылі ў "Белнафтахіме".
З улікам змененых умоў узровень гранічных (максімальных) рознічных цэн на АЗС павялічваецца на 1 капейку. Цана бензіну АІ-92-К5-Еўра складзе Br1,81, АІ-95-К5-Еўра - Br1,91, АІ-98-К5-Еўра - Br2,13, ДП - Br1,91.
Гэта 11-е змяненне цэн на аўтамабільнае паліва ў гэтым годзе. Папярэдняе адбылося тыдзень таму.-0-