12 мая, Мінск /Кар. БЕЛТА/. Рознічныя цэны на аўтамабільнае паліва зменяцца з 13 мая, паведамляе БЕЛТА са спасылкай на "Белнафтахім".
"Праведзеная індэксацыя абумоўлена бягучым ростам сусветнай каціроўкі нафты. Сярэдняя каціроўка нафты за першую дэкаду мая склала 69,2 долара ЗША за бараль і вырасла адносна студзеня бягучага года на 26 працэнтаў. Гранічны максімальны ўзровень цэн на маторнае паліва з пачатку года павялічыўся на 7 працэнтаў", - удакладнілі ў канцэрне.
Цана бензіну АІ-92-К5-Еўра складзе 1,84 руб., АІ-95-К5-Еўра - 1,94 руб., АІ-98-К5-Еўра - 2,16 руб., дызельнага паліва - 1,94 руб.-0-
