6 красавіка, Мінск /Кар. БЕЛТА/. Аўтамабільнае паліва даражэе з 6 красавіка. Адпаведная інфармацыя апублікавана на сайце "Белнафтахіма", паведамляе БЕЛТА.
"Сярэдняе значэнне каціровак нафты ў сакавіку 2021 года вырасла да студзеня 2021 года на 19,7 працэнта. Цэны на маторнае паліва за перыяд з пачатку года павялічаны на 4,3 працэнта. У адпаведнасці з прынятай канцэрнам стратэгіяй стрыманай індэксацыі цэн на аўтамабільнае паліва, рознічныя цэны на АЗС з 6 красавіка 2021 года змяняюцца", - растлумачылі прычыну павышэння ў канцэрне.
Кошт 1 л бензіну з 6 красавіка 2021 года: АІ-92-К5-Еўра - Br1,79, АІ-95-К5-Еўра - Br1,89, АІ-98-К5-Еўра - Br2,11, ДП - Br1,89.-0-