Аляксандр Асмалоўскі. Фота БУТБ
1 кастрычніка, Мінск /Кар. БЕЛТА/. Празрыстае рыначнае фарміраванне цэн, зыходзячы з попыту і прапанавання, з'яўляецца галоўнай перавагай цэнтралізаванага гандлю электрычнай энергіяй на агульным электраэнергетычным рынку Еўразійскага эканамічнага саюза. Такое меркаванне выказаў старшыня праўлення Беларускай універсальнай таварнай біржы Аляксандр Асмалоўскі ў рамках Еўразійскага эканамічнага форуму ў Ерэване, паведамілі карэспандэнту БЕЛТА ў прэс-службе БУТБ.
Паводле слоў кіраўніка БУТБ, кожная з трох пляцовак, на якіх плануецца арганізаваць гандаль тэрміновымі кантрактамі на агульным рынку электраэнергіі ЕАЭС, валодае пэўнымі перавагамі, аднак для ўдзельнікаў гэтага рынку важная перш за ўсё цана тавару.
"У кожнай пляцоўкі ёсць нейкія канкурэнтныя перавагі. Напрыклад, у БУТБ гэта праграмнае забеспячэнне ўласнай распрацоўкі, перадавая ІТ-інфраструктура і паспяховы вопыт правядзення таргоў электраэнергіяй на экспарт. Акрамя таго, мы не спаганяем платы за акрэдытацыю, электронны подпіс, навучанне, доступ у гандлёвую сістэму і шмат што яшчэ. Але не гэта галоўнае. Мне здаецца, што пры рэалізацыі такога маштабнага саюзнага праекта ў прыярытэце павінны быць не перавагі асобных біржаў і ўмовы, якія яны прадастаўляюць, а цана і аб'ектыўны рыначны механізм яе фарміравання. Тады нам не трэба будзе прыцягваць на таргі ўдзельнікаў з краін ЕАЭС. Яны прыйдуць самі", - упэўнены Аляксандр Асмалоўскі.
Распараджэннем Савета Еўразійскай эканамічнай камісіі БУТБ, АТ "Казахстанскі аператар рынку электрычнай энергіі і магутнасці" і АТ "Санкт-Пецярбургская міжнародная таварна-сыравінная біржа" былі вызначаны аператарамі пляцовак для цэнтралізаванага гандлю электрычнай энергіяй па тэрміновых кантрактах на агульным электраэнергетычным рынку ЕАЭС. Плануецца, што імітацыйныя (тэставыя) таргі электраэнергіяй пачнуць праводзіцца з 1 чэрвеня 2025 года, а паўнацэнна гэты механізм пачне працаваць не раней за 1 студзеня 2027 года.-0-
Паводле слоў кіраўніка БУТБ, кожная з трох пляцовак, на якіх плануецца арганізаваць гандаль тэрміновымі кантрактамі на агульным рынку электраэнергіі ЕАЭС, валодае пэўнымі перавагамі, аднак для ўдзельнікаў гэтага рынку важная перш за ўсё цана тавару.
"У кожнай пляцоўкі ёсць нейкія канкурэнтныя перавагі. Напрыклад, у БУТБ гэта праграмнае забеспячэнне ўласнай распрацоўкі, перадавая ІТ-інфраструктура і паспяховы вопыт правядзення таргоў электраэнергіяй на экспарт. Акрамя таго, мы не спаганяем платы за акрэдытацыю, электронны подпіс, навучанне, доступ у гандлёвую сістэму і шмат што яшчэ. Але не гэта галоўнае. Мне здаецца, што пры рэалізацыі такога маштабнага саюзнага праекта ў прыярытэце павінны быць не перавагі асобных біржаў і ўмовы, якія яны прадастаўляюць, а цана і аб'ектыўны рыначны механізм яе фарміравання. Тады нам не трэба будзе прыцягваць на таргі ўдзельнікаў з краін ЕАЭС. Яны прыйдуць самі", - упэўнены Аляксандр Асмалоўскі.
Распараджэннем Савета Еўразійскай эканамічнай камісіі БУТБ, АТ "Казахстанскі аператар рынку электрычнай энергіі і магутнасці" і АТ "Санкт-Пецярбургская міжнародная таварна-сыравінная біржа" былі вызначаны аператарамі пляцовак для цэнтралізаванага гандлю электрычнай энергіяй па тэрміновых кантрактах на агульным электраэнергетычным рынку ЕАЭС. Плануецца, што імітацыйныя (тэставыя) таргі электраэнергіяй пачнуць праводзіцца з 1 чэрвеня 2025 года, а паўнацэнна гэты механізм пачне працаваць не раней за 1 студзеня 2027 года.-0-
Падпісвайцеся на нас у
