7 верасня, Мінск /Кар. БЕЛТА/. Арганізацыям Міністэрства архітэктуры і будаўніцтва даручана атрымаць пашпарты гатоўнасці да ацяпляльнага сезона да 25 верасня, паведамілі БЕЛТА ў прэс-службе ведамства.
"Мінбудархітэктуры даручана забяспечыць афармленне і рэгістрацыю актаў праверкі гатоўнасці і пашпартоў гатоўнасці да работы ў асенне-зімовы перыяд 2020/2021 да 25 верасня. Копіі зарэгістраваных пашпартоў гатоўнасці павінны быць прадстаўлены ў міністэрства не пазней за 27 верасня", - адзначылі ў прэс-службе.
Арганізацыі Мінбудархітэктуры спажываюць цеплавую энергію як на тэхналагічныя патрэбы, так і для ацяплення і гарачага водазабеспячэння. Амаль 30 працэнтаў неабходнай цеплавой энергіі прадпрыемствы атрымліваюць ад крыніц сістэмы "Белэнерга", 70 працэнтаў выпрацоўваецца ўласнымі цеплакрыніцамі, перш за ўсё кацельнямі.
Амаль 81 працэнт цеплаэнергіі выпрацоўваецца на прамыслова-вытворчых і ацяпляльна-вытворчых кацельнях магутнасцю 10 Гкал/гадз і больш. Выключна на ацяпляльныя нагрузкі працуе толькі 13 працэнтаў цеплавых магутнасцей. Інакш кажучы, кацельні падведамных арганізацый прадастаўляюць цеплаэнергію не толькі на вытворчыя працэсы, але і для патрэб ацяплення і гарачага водазабеспячэння жыллёваму фонду.
Амаль 20 падведамных арганізацый маюць на балансе інтэрнаты. ААТ "Керамін", ААТ "Шклозавод "Нёман", філіял "Мінскі КСВ" ААТ "Беларускі цэментны завод" забяспечваюць цеплазабеспячэнне камунальнага жылля ў гарадах. Дамінуючы від паліва для кацельняў - прыродны газ, далей ідуць дровы, дранка, тарфяныя брыкеты.-0-
