Фота з архіва
1 ліпеня, Мінск /Кар. БЕЛТА/. У мінулым годзе пасля будаўніцтва, рэканструкцыі сістэм і культуртэхнічнай меліярацыі ўведзена ў сельгасабарот звыш 70 тыс. га, што ў два з лішкам разы больш за паказчык 2022 года. Аб гэтым часопісу "Экономика Беларуси" расказаў дырэктар Інстытута меліярацыі НАН Беларусі, кандыдат тэхнічных навук, дацэнт Аляксандр Анжанкоў.
Усяго ў краіне меліяравана 3247,9 тыс. га, у тым ліку 2810,4 тыс. га, або 35 працэнтаў - сельгасугоддзяў, на якіх атрымліваюць трэць прадукцыі раслінаводства і 60 працэнтаў зялёных кармоў. На думку Аляксандра Анжанкова, гэта выдатны вынік, які дае магчымасць гаварыць аб зніжэнні кошту прадуктаў харчавання на 30-50 працэнтаў. Асушэнне закранула ўсе без выключэння раёны краіны - ад 8 працэнтаў у Шклоўскім да 74 працэнтаў у Ганцавіцкім. У 23 раёнах больш за палову зямель адваяваны ў балот.
А да пачатку меліярацыйных работ 40 працэнтаў тэрыторыі краіны былі забалочаны або пераўвільготнены, гэта 8 млн га.
"Балоты ператварыліся ва ўрадлівыя палі, праз асушаныя землі праведзены дарогі, лініі электраперадачы і сувязі. Санітарныя ўмовы проста непараўнальныя, - адзначае Аляксандр Анжанкоў. - Усё гэта прывяло да прамысловага, эканамічнага і сацыяльнага росту тэрыторый, асабліва Палесся. Раней паселішчы схільныя да падтоплівання, як, напрыклад, Давід-Гарадок, абаранілі комплексам збудаванняў з помпавымі станцыямі і дамбамі".
Шырокамаштабная меліярацыя ў Беларусі ўжо завершана, новая плануецца толькі кропкава на высокаўрадлівых участках і ў гаспадарках узорнай культуры вытворчасці. За 2020-2023 гады, напрыклад, асвоена 4,6 тыс. га. Аднак амаль 3 млн асушальных і асушальна-ўвільгатняльных сістэм трэба абслугоўваць, рамантаваць, мадэрнізаваць.-0-
Усяго ў краіне меліяравана 3247,9 тыс. га, у тым ліку 2810,4 тыс. га, або 35 працэнтаў - сельгасугоддзяў, на якіх атрымліваюць трэць прадукцыі раслінаводства і 60 працэнтаў зялёных кармоў. На думку Аляксандра Анжанкова, гэта выдатны вынік, які дае магчымасць гаварыць аб зніжэнні кошту прадуктаў харчавання на 30-50 працэнтаў. Асушэнне закранула ўсе без выключэння раёны краіны - ад 8 працэнтаў у Шклоўскім да 74 працэнтаў у Ганцавіцкім. У 23 раёнах больш за палову зямель адваяваны ў балот.
А да пачатку меліярацыйных работ 40 працэнтаў тэрыторыі краіны былі забалочаны або пераўвільготнены, гэта 8 млн га.
"Балоты ператварыліся ва ўрадлівыя палі, праз асушаныя землі праведзены дарогі, лініі электраперадачы і сувязі. Санітарныя ўмовы проста непараўнальныя, - адзначае Аляксандр Анжанкоў. - Усё гэта прывяло да прамысловага, эканамічнага і сацыяльнага росту тэрыторый, асабліва Палесся. Раней паселішчы схільныя да падтоплівання, як, напрыклад, Давід-Гарадок, абаранілі комплексам збудаванняў з помпавымі станцыямі і дамбамі".
Шырокамаштабная меліярацыя ў Беларусі ўжо завершана, новая плануецца толькі кропкава на высокаўрадлівых участках і ў гаспадарках узорнай культуры вытворчасці. За 2020-2023 гады, напрыклад, асвоена 4,6 тыс. га. Аднак амаль 3 млн асушальных і асушальна-ўвільгатняльных сістэм трэба абслугоўваць, рамантаваць, мадэрнізаваць.-0-
