ДЗЯРЖОРГАНЫДЗЯРЖОРГАНЫ
Чацвер, 25 лютага 2021
Мінск Суцэльная воблачнасць +1°C
Усе навіны
Усе навіны
Эканоміка
25 лістапада 2020, 15:34

"Амкадор" запланаваў пастаўку тэхнікі ў Бангладэш на $117 млн

Фота ААТ "Амкадор"
Фота ААТ "Амкадор"

25 лістапада, Мінск /Кар. БЕЛТА/. ААТ "Амкадор" - кіруючая кампанія холдынга" плануе паставіць у Бангладэш некалькі партый тэхнікі на $117 млн, паведамілі БЕЛТА ў прэс-службе беларускага прадпрыемства.

"Амкадор" наведала дэлегацыя, якую ўзначальваў Надзвычайны і Паўнамоцны Пасол Бангладэш у Расійскай Федэрацыі і Рэспубліцы Беларусь па сумяшчальніцтве Камрул Ахсан. Члены дэлегацыі азнаёміліся з прадукцыяй холдынга, яе характарыстыкамі і канкурэнтнымі перавагамі. У час перагавораў з кіраўніцтвам абмяркоўваліся пытанні далейшага супрацоўніцтва. "У прыватнасці, цяпер паміж холдынгам і афіцыйнымі органамі Бангладэш ідзе работа па падрыхтоўцы кантрактаў на пастаўку ў гэту краіну чарговых партый тэхнікі "Амкадор" на $17 і $100 млн", - адзначылі ў прэс-службе.

У 2016 годзе холдынг "Амкадор" выканаў кантракт па пастаўцы ў Бангладэш больш як 1,4 тыс. адзінак самаходнай тэхнікі і навясных рабочых органаў да яе на суму $50 млн. У 2017 годзе ў Бангладэш адкрыўся гандлёва-сэрвісны цэнтр Amkodor Palash Industrial Zone Ltd., мерапрыемства было прымеркавана да 25-годдзя ўстанаўлення дыпламатычных адносін паміж дзвюма краінамі.

"Амкадор" таксама наведала дэлегацыя з Судана, у якую ўваходзілі прадстаўнікі менеджменту некаторых кампаній гэтай краіны. "Госці азнаёміліся з узорамі машын і абсталявання, якія вырабляюцца заводамі холдынга. Для іх была праведзена прэзентацыя прадпрыемства і прадстаўлена інфармацыя аб прадукцыі і яе асноўных характарыстыках", - дадалі ў прэс-службе.

ААТ "Амкадор" - кіруючая кампанія холдынга" створана ў 1927 годзе. Тут вырабляюць 125 мадэлей і мадыфікацый тэхнікі без уліку варыянтаў апцыянальных камплектацый машын. Колькасць супрацоўнікаў перавышае 6 тыс. Усе прадпрыемствы холдынга інтэграваны ў адзіны тэхналагічны ланцуг. Кожны ўдзельнік спецыялізуецца на выпуску канкрэтных машын, вузлоў і агрэгатаў для ўсіх прадпрыемстваў кампаніі. У холдынгу пастаянна распрацоўваюць новыя мадэлі тэхнікі і ўдасканальваюць існуючыя.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі