19 снежня, Мінск /Кар. БЕЛТА/. Холдынг "Амкадор" паставіў партыю тэхнікі ва Уладзівасток, паведамілі БЕЛТА ў прэс-службе прадпрыемства.
Холдынг паставіў 16 адзінак машын, сярод іх універсальны пагрузчык з бартавым паваротам "Амкадор 211", універсальныя пагрузчыкі грузападымальнасцю 3, 4 і 5 т, універсальная пагрузачная машына "Амкадор 37", аўтагрэйдары "Амкадор G160". "Паступіўшыя машыны і абсталяванне - гэта першая партыя тэхнікі, запланаванай для патрэб горада", - адзначылі ў прэс-службе.
Усе машыны пастаўлены афіцыйным дылерам па Дальнеўсходняй федэральнай акрузе - ТАА "АМКАДОР-Дармаш-ДВ" у адрас муніцыпальнай бюджэтнай установы "Утрыманне гарадскіх тэрыторый" для выканання розных дарожна-будаўнічых і абслуговых работ на тэрыторыі Уладзівастокскай гарадской акругі.
ААТ "Амкадор" - кіруючая кампанія холдынга" вырабляе больш за 130 мадэлей і мадыфікацый спецыяльнай і сельскагаспадарчай тэхнікі. У складзе холдынга - 29 юрыдычных асоб, 22 заводы, якія выпускаюць больш за 6,5 тыс. найменняў таварнай прадукцыі. Колькасць супрацоўнікаў перавышае 7 тыс. Усе прадпрыемствы холдынга інтэграваны ў адзіны тэхналагічны ланцуг. Кожны ўдзельнік спецыялізуецца на выпуску канкрэтных машын, вузлоў і агрэгатаў для ўсіх прадпрыемстваў кампаніі. У холдынгу пастаянна распрацоўваюць новыя мадэлі тэхнікі і ўдасканальваюць існуючыя.-0-
