14 студзеня, Мінск /Кар. БЕЛТА/. "Амкадор" паставіў партыю тэхнікі ў Южна-Сахалінск, паведамляе БЕЛТА са спасылкай на сайт прадпрыемства.
Новая спецыялізаваная тэхніка беларускай вытворчасці папоўніла парк МКП "Завод будаўнічых матэрыялаў імя Фядотава". Гэта ўніверсальныя пагрузчыкі, а таксама фрэзерна-ротарны снегаачышчальнік.
Тэхніка мае поўную камплектацыю для летніх і зімовых відаў работ. Навясное абсталяванне хутказдымнае: вадзіцель пагрузчыка зможа замяніць яго на працягу некалькіх секунд, не выходзячы з кабіны.
Інтарэсы холдынга "Амкадор" у Далёкаўсходняй федэральнай акрузе прадстаўляе афіцыйны дыстрыб'ютар ТАА "Амкадор-Дармаш-ДВ". Кампанія пастаўляе машыны і навясное абсталяванне гандлёвай маркі "Амкадор" у Хабараўскі і Прыморскі краі, Камчацкую, Амурскую, Сахалінскую і Магаданскую вобласці, Якуцію і іншыя рэгіёны ДУФА Расіі.
Толькі ў 2018 годзе ў гэту акругу пастаўлена амаль 50 адзінак тэхнікі.-0-