17 чэрвеня, Мінск /Кар. БЕЛТА/. "АМКАДОР" падпісаў пагадненне аб інвестыцыйных намерах з Башкортастанам, паведамілі БЕЛТА ў прэс-службе прадпрыемства.
У рамках XXV Пецярбургскага міжнароднага эканамічнага форуму адбылося падпісанне пагаднення аб інвестыцыйных намерах паміж урадам Башкортастана, АТ "Карпарацыя развіцця Рэспублікі Башкортастан" і ААТ "АМКАДОР" - кіруючая кампанія холдынга" па двух інвестыцыйных праектах. У прыватнасці, вытворчасць абсталявання для пасляўборачнай апрацоўкі збожжа і стварэнне вытворча-сэрвіснага цэнтра на тэрыторыі Уфы.
ААТ "Амкадор" - кіруючая кампанія холдынга" створана ў 1927 годзе. У рамках пяці дывізіёнаў - будаўнічыя, лясныя, сельскагаспадарчыя, камунальныя машыны і кампаненты - вырабляецца тэхніка для ўсіх галін эканомікі, а таксама ўласная элементная база. Усяго на прадпрыемствах выпускаецца 6,5 тыс. найменняў прадукцыі, больш за 125 мадэлей і мадыфікацый машын, якія працуюць у 40 краінах свету. Апошнія гады холдынг узяў курс на інавацыйныя праекты. Іх рэалізацыя стратэгічна важная для прадпрыемства, паколькі асноўная мэта - далейшае развіццё ўласных вытворчасцей, укараненне новых прагрэсіўных рашэнняў і тэхналогій, захаванне лідарскіх пазіцый на заваяваных рынках і замацаванне дасягнутых вынікаў напрамку па вытворчасці шматфункцыянальных машын, які інтэнсіўна развіваецца.
Пецярбургскі міжнародны эканамічны форум - адна з самых маштабных і значных дзелавых падзей у свеце. ПМЭФ праходзіць штогод пачынаючы з 1997 года. За 25 гадоў ён заваяваў статус вядучай сусветнай пляцоўкі для абмеркавання ключавых пытанняў глабальнай эканомікі і абмену лепшымі сусветнымі практыкамі і кампетэнцыямі для забеспячэння ўстойлівага развіцця. З 2005 года форум праводзіцца пад патранатам і пры ўдзеле Прэзідэнта Расійскай Федэрацыі.-0-
