9 сакавіка, Мінск /Кар. БЕЛТА/. Рэкордныя квартальныя біржавыя таргі драўнінай у нарыхтаваным выглядзе прайшлі на Беларускай універсальнай таварнай біржы, рэалізавана 980 тыс. куб.м на агульную суму Br67,7 млн, паведаміў карэспандэнту БЕЛТА прэс-сакратар БУТБ Раман Яніў.
"У параўнанні з аналагічнымі таргамі, якія праводзіліся ў сакавіку 2019 года, сума здзелак вырасла на 87 працэнтаў, а ў натуральным выражэнні продажы драўніны прыбавілі 64 працэнты. Усяго ў квартальных біржавых таргах удзельнічалі 354 пакупнікі і 115 прадаўцоў, якія ажыццявілі 943 здзелкі", - расказаў Раман Яніў.
Найбольшым попытам карысталася балансы хвойных парод і круглыя лесаматэрыялы без мэтавага прызначэння. На іх прыпала больш за 90 працэнтаў усіх здзелак.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе, галоўнай функцыяй якой з'яўляецца аказанне садзейнічання беларускім прадпрыемствам па экспарце прадукцыі і прадастаўленне дапамогі замежным кампаніям па выхадзе на беларускі рынак. На біржы прадаюцца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
