2 кастрычніка, Мінск /Кар. БЕЛТА/. Інвестыцыйныя агенцтвы краін ЕАЭС дамовіліся аб супрацоўніцтве па стымуляванні ўзаемных інвестыцый. Аб гэтым ішла размова на канферэнцыі інвестыцыйных агенцтваў і карпарацый развіцця краін ЕАЭС, якая прайшла ў індустрыяльным парку "Вялікі камень", паведамілі БЕЛТА ў Нацыянальным агенцтве інвестыцый і прыватызацыі.
На канферэнцыю зарэгістраваліся больш за 100 спецыялістаў па прыцягненні і суправаджэнні прамых інвестыцый з Беларусі, Арменіі, Казахстана, Расіі, а таксама госці з Узбекістана і Кітая. Галоўная ідэя канферэнцыі - падзяліцца экспертызай аб апошніх інвестыцыйных трэндах і выкліках, сакрэтах прыцягнення і суправаджэння інвестараў, развіцця інвестыцыйнай інфраструктуры і дзяржаўна-прыватнага партнёрства, лічбавых інструментаў, асаблівасцях функцыянавання прэферэнцыйных рэжымаў.
З прывітальным словам і сваім бачаннем праблематыкі канферэнцыі да калег звярнуліся першы намеснік міністра эканомікі Беларусі Іван Вежнавец і першы намеснік кіраўніка адміністрацыі парка "Вялікі камень" Аляксандр Лебядзянцаў.
Удзельнікам канферэнцыі быў прапанаваны да падпісання мемарандум аб супрацоўніцтве. Ён прадугледжвае сумесную работу над прапановамі па стымуляванні ўзаемных інвестыцый у эканомікі краін ЕАЭС і павышэнні іх прывабнасці для бізнесу, распрацоўку сістэмы інфармацыйнага абмену, у тым ліку для бізнесу: аб магчымасцях, патэнцыяльных партнёрах і даступных мерах падтрымкі, якія дзейнічаюць у дзяржавах - членах ЕАЭС.
"Апошнім часам у інтэграцыйных аб'яднаннях выносяць на парадак дня інвестыцыйныя пытанні. У СНД прыняты комплекс мер па прыцягненні і стымуляванні ўзаемных інвестыцый, у ЕАЭС Міністэрства эканомікі Беларусі ініцыюе распрацоўку адпаведнага дакумента, у ШАС ёсць рабочая група і Асацыяцыя інвестараў. Вядома, краіны - удзельніцы любога саюза зацікаўлены ў прыцягненні інвестыцый перш за ўсё на сваю тэрыторыю, тут не адысці ад канкурэнцыі. Але акрамя канкурэнцыі ёсць месца і супрацоўніцтву. І галоўную ролю ў ім адыгрывае ўзаемадзеянне інвестыцыйных агенцтваў і інстытутаў развіцця - для абмену вопытам і лепшымі практыкамі, для кааперацыйных праектаў і прапановы мер па стымуляванні ўзаемных інвестыцый. Гэтыя ідэі адлюстраваны ў мемарандуме, які падпісалі сёння ўдзельнікі канферэнцыі. Мы спадзяёмся, што пасля да яго далучацца іншыя агенцтвы і карпарацыі развіцця, а канферэнцыя стане штогадовай да правядзення ў зацікаўленых краінах-удзельніцах", - сказала першы намеснік дырэктара НАІП Алена Пермінава.
Таксама на палях канферэнцыі Нацыянальнае агенцтва інвестыцый і прыватызацыі заключыла двухбаковыя пагадненні аб супрацоўніцтве з Агенцтвам па прыцягненні інвестыцый Краснадарскага края РФ і Агенцтвам інвестыцыйнага развіцця Фонду развіцця Хакасіі.
Канферэнцыю арганізавалі Нацыянальнае агенцтва інвестыцый і прыватызацыі Беларусі і Нацыянальная Асацыяцыя агенцтваў інвестыцый і развіцця (РФ), пры падтрымцы Кампаніі па развіцці індустрыяльнага парка "Вялікі камень".-0-
На канферэнцыю зарэгістраваліся больш за 100 спецыялістаў па прыцягненні і суправаджэнні прамых інвестыцый з Беларусі, Арменіі, Казахстана, Расіі, а таксама госці з Узбекістана і Кітая. Галоўная ідэя канферэнцыі - падзяліцца экспертызай аб апошніх інвестыцыйных трэндах і выкліках, сакрэтах прыцягнення і суправаджэння інвестараў, развіцця інвестыцыйнай інфраструктуры і дзяржаўна-прыватнага партнёрства, лічбавых інструментаў, асаблівасцях функцыянавання прэферэнцыйных рэжымаў.
З прывітальным словам і сваім бачаннем праблематыкі канферэнцыі да калег звярнуліся першы намеснік міністра эканомікі Беларусі Іван Вежнавец і першы намеснік кіраўніка адміністрацыі парка "Вялікі камень" Аляксандр Лебядзянцаў.
Удзельнікам канферэнцыі быў прапанаваны да падпісання мемарандум аб супрацоўніцтве. Ён прадугледжвае сумесную работу над прапановамі па стымуляванні ўзаемных інвестыцый у эканомікі краін ЕАЭС і павышэнні іх прывабнасці для бізнесу, распрацоўку сістэмы інфармацыйнага абмену, у тым ліку для бізнесу: аб магчымасцях, патэнцыяльных партнёрах і даступных мерах падтрымкі, якія дзейнічаюць у дзяржавах - членах ЕАЭС.
"Апошнім часам у інтэграцыйных аб'яднаннях выносяць на парадак дня інвестыцыйныя пытанні. У СНД прыняты комплекс мер па прыцягненні і стымуляванні ўзаемных інвестыцый, у ЕАЭС Міністэрства эканомікі Беларусі ініцыюе распрацоўку адпаведнага дакумента, у ШАС ёсць рабочая група і Асацыяцыя інвестараў. Вядома, краіны - удзельніцы любога саюза зацікаўлены ў прыцягненні інвестыцый перш за ўсё на сваю тэрыторыю, тут не адысці ад канкурэнцыі. Але акрамя канкурэнцыі ёсць месца і супрацоўніцтву. І галоўную ролю ў ім адыгрывае ўзаемадзеянне інвестыцыйных агенцтваў і інстытутаў развіцця - для абмену вопытам і лепшымі практыкамі, для кааперацыйных праектаў і прапановы мер па стымуляванні ўзаемных інвестыцый. Гэтыя ідэі адлюстраваны ў мемарандуме, які падпісалі сёння ўдзельнікі канферэнцыі. Мы спадзяёмся, што пасля да яго далучацца іншыя агенцтвы і карпарацыі развіцця, а канферэнцыя стане штогадовай да правядзення ў зацікаўленых краінах-удзельніцах", - сказала першы намеснік дырэктара НАІП Алена Пермінава.
Таксама на палях канферэнцыі Нацыянальнае агенцтва інвестыцый і прыватызацыі заключыла двухбаковыя пагадненні аб супрацоўніцтве з Агенцтвам па прыцягненні інвестыцый Краснадарскага края РФ і Агенцтвам інвестыцыйнага развіцця Фонду развіцця Хакасіі.
Канферэнцыю арганізавалі Нацыянальнае агенцтва інвестыцый і прыватызацыі Беларусі і Нацыянальная Асацыяцыя агенцтваў інвестыцый і развіцця (РФ), пры падтрымцы Кампаніі па развіцці індустрыяльнага парка "Вялікі камень".-0-
Падпісвайцеся на нас у
