29 верасня, Мінск /Кар. БЕЛТА/. Афрыканскі Бенін зацікаўлены ў пастаўках беларускай малочнай прадукцыі, паведамілі БЕЛТА ў прэс-службе Міністэрства сельскай гаспадаркі і харчавання.
Міністр сельскай гаспадаркі і харчавання Ігар Брыло правёў рабочую сустрэчу з Надзвычайным і Паўнамоцным Паслом Беніна ў Расіі і па сумяшчальніцтве ў Беларусі Акамбі Андрэ Акунлола-Біау.
"Бенін вырабляе бавоўну, кукурузу, манга, кеш'ю. Краіна зацікаўлена ў павелічэнні сваёй вытворчасці і набыцці беларускай малочнай прадукцыі. З гэтай мэтай разгледжана пытанне перспектывы развіцця двухбаковага супрацоўніцтва і кансультавання беларускім бокам у галіне сельскай гаспадаркі", - адзначылі ў прэс-службе.
На сустрэчы бакі разгледзелі ўдзел бенінскай дэлегацыі ў выстаўцы "Прадэкспа-2022", у рамках якой госці змогуць азнаёміцца з хвалюючымі іх пытаннямі беларускага АПК, пасля чаго прадоўжыць перагаворы.-0-
