Мабільная версія
ДЗЯРЖОРГАНЫ

Апошнія навіны
Усе навіны

АЭСР ацаніла ўмовы для прадпрымальніцтва ў Беларусі

Эканоміка 23.07.2019 | 18:32

23 ліпеня, Мінск /Кар. БЕЛТА/. Арганізацыя эканамічнага супрацоўніцтва і развіцця (АЭСР) падрыхтавала чарговую ацэнку ўмоў для малога і сярэдняга прадпрымальніцтва ў краінах "Усходняга партнёрства", уключаючы Беларусь, паведамілі БЕЛТА ў Бізнес-саюзе прадпрымальнікаў і наймальнікаў імя прафесара М.С.Куняўскага (БСПН).

Папярэднія даныя індэкса МСП (яго яшчэ называюць ацэнкай на аснове еўрапейскага Акта аб малым бізнесе) былі вынесены на экспертнае абмеркаванне ў Парыжы. Беларускую дэлегацыю там прадстаўлялі Міністэрства эканомікі, Савет па развіцці прадпрымальніцтва і БСПН. Як вынікае з матэрыялаў АЭСР, найбольш уражальных вынікаў Беларусь дасягнула ў палітыцы экалагічнага арыентавання МСП, стаўшы абсалютным лідарам сярод краін "Усходняга партнёрства". У параўнанні з папярэднім замерам індэкса, зробленым у 2016 годзе, ацэнка краіны па гэтым паказчыку ўзляцела з 2,10 да 3,41 бала. Эксперты звярнулі ўвагу на ўступленне ў сілу ў ліпені 2017 года стандарту СТБ ISO 14001-2017 "Сістэмы кіравання (менеджменту) навакольнага асяроддзя. Патрабаванні і інструкцыя па прымяненні" і спрашчэнне дэкрэтам нумар 7 многіх экалагічных патрабаванняў для малых прадпрыемстваў.

Таксама экспертамі ацэнены ўмовы банкруцтва і аднаўлення дзейнасці: па гэтым індыкатары Беларусі прысвоена 3,31 бала супраць 2,57 мінулы раз. Паводле ацэнак аўтараў даследавання, з моманту папярэдняга замеру ў краіне скараціўся час і кошт банкруцтва. Дзейнічае сістэма ранняга папярэджання банкруцтва, адзіная ў краінах "Усходняга партнёрства". Адначасова ў АЭСР звярнулі ўвагу на тое, што меры, якія прымяняюцца Беларуссю, па папярэджанні банкруцтва і рэструктурызацыі даўгоў у асноўным датычацца дзяржкампаній і не заўсёды даступныя прыватнаму бізнесу.

Беларусь у лідарах і ў частцы інавацыйнай палітыкі: атрымаўшы 3,21 бала, уступае толькі Грузіі. На думку экспертаў АЭСР, інавацыйная інфраструктура ў краіне расшырылася, у тым ліку за кошт Парка высокіх тэхналогій і Кітайска-беларускага індустрыяльнага парка "Вялікі камень". Значныя магчымасці інавацыйных фондаў, а падатковыя льготы ў многім адпавядаюць лепшым практыкам ЕС.

Эксперты АЭСР адзначаюць адставанне Беларусі па такіх паказчыках, як паслугі для развіцця МСП, інтэрнацыяналізацыя і ўмовы канкурэнцыі.

Усяго ў матэрыялах даследавання фігуруе больш за 10 індыкатараў, па большасці з іх ацэнкі Беларусі блізкія да сярэдніх па рэгіёне. Цяперашні замер індэкса МСП - трэці па ліку. Папярэднія былі праведзены ў 2012 і 2016 гадах. Афіцыйная прэзентацыя новай версіі індэкса МСП запланавана на сакавік 2020 года ў час "Тыдня Еўразіі".-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Прафілактыка ўкусаў змей У Беларусі жывуць тры віды змей: вуж, мядзянка, гадзюка звычайная (адзіная ядавітая).